157
8
5
電話號碼
91406130
開飯介紹
位於高爾夫球場內的日式西餐廳，裝修簡約，主打供應多款日式定食、西餐、咖啡及全日早餐，價錢合宜。
繼續閱讀
營業時間
今日營業
12:00 - 21:30
星期一至日
12:00 - 21:30
公眾假期
12:00 - 21:30
公眾假期前夕
12:00 - 21:30
以上資料只供參考, 請與餐廳確認詳情
有關餐廳
有關獎賞計劃
招牌菜
食家推介
情人節就到諗好食咩未呢？呢間真係諗得過！平時喺 OpenRice search 「屯門」都見佢排好前，但次次見個地址都卻步，今日見有時間又想食西餐就去試下，估唔到價錢好親民，2人晚餐 $388起，質素真有驚喜！👍🏻😋 唔知正日會唔會有special menu，但呢間值得 encore！雖然餐廳位置遠離市中心，喺高爾夫球場旁邊，但其實一出輕鐵車廠站行幾步就到，原來都好方便。餐廳裝修比較風格簡單，有少少飯堂嘅 feel，不過勝在夠靜，望出去仲要係一大塊綠油油嘅草地，日頭望出去應該幾寫意。⭐️是日餐湯 X 2餐湯係南瓜忌廉湯，湯算濃，南瓜味都出。🥗是日頭盤 X 2頭盤係黑醋沙律 + 中華沙律，份量超多，一份都夠兩份分，佢仲要嚟兩份，啱晒鍾意食菜嘅朋友！🍄燒烤菇南瓜野菌意大利飯意大利飯煮得好好食，香濃嘅南瓜粒配軟滑嘅飯，有口感之餘仲有少少甜味，而中間嘅大啡菇無草清味，好厚好 Juice ！🦞花火海鮮祭‧香蒜蛋黃醬烤焗龍蝦+火炙帶子2件+脆炸軟殻蟹 + $148其實 $388 真到 2人Dinner set 真係好抵，主菜可以揀豬鞍、羊架或者魚柳，加 $48 仲可以鋸紐西蘭一級肉眼牛扒，不過我哋鍾意你海鮮，所以不惜加 $148 叫咗呢個「花火海鮮祭」食豪啲！香蒜蛋黃醬烤焗龍蝦外殻炸到好香脆，可以連殻食埋，蛋黃醬唔會太鹹好惹味，龍蝦肉仲好大舊好彈牙𠻹！火炙帶子都好大粒，應該係刺身級帶子嚟，表面火炙咗好香口，肉質幾新鮮！脆炸軟殻蟹脆卜卜，同少少鹹味嘅薯蓉一齊食好夾！🍰自選甜品 X 2甜品都有好幾款選擇，我哋揀咗黑芝麻豆腐芝士蛋糕和柚子芝士蛋糕，前者層次分明，味淡但好清新好creamy好滑，後者柚子味同芝士味都好出，酸酸甜甜食唔停口！🍵餐飲 X 2 - 半價轉特飲餐飲揀咗玫瑰朱古力同抹茶牛奶，兩杯拉花都好靚好有驚喜！玫瑰朱古力唔會好甜，朱古力味好濃，而且玫瑰花好香，真係飲到有玫瑰味！抹茶牛奶茶味都好濃郁，有淡淡回甘！
繼續閱讀
前幾日，我就去到📍屯門公共高爾夫球場到食好西，而陪我食嘢嘅朋友就住係附近，佢就介紹咗呢一間高爾夫球場旁邊嘅餐廳☕️🍽️，心諗：高爾夫球場餐廳一定好貴啦🤑原來價錢都好親民，質素都唔差㗎👍🏻😋餐廳內嘅環境都比較寬敞，如果約一班friend齊齊嚟打Golf，我相信約係餐廳到Gathering唔擔心無位，餐廳嘅設計風格都較為簡單👍🏻簡簡單單有懷舊feel餐廳嘅菜式種類都比較多樣👍🏻有Pasta, Risotto, Pizza, 扒類等等，部分西式菜混合左多個元素，今次我就叫左個二人Dinner set😇晚市2人餐 $338⭐️是日餐湯Chef daily soup 今日嘅餐湯係蔬菜湯，滿滿嘅纖維🥬🥦⭐️是日頭盤Chef daily salad今日嘅頭盤係日式黑醋沙律同埋中華沙律🥗擺盤賣相都唔錯㗎👍🏻⭐️燒烤菇南瓜野菌意大利飯Grill portobello, pumpkin and mushroom risotto中間擺咗一個大啡菇🍄，大啡菇好Juice又夠味道，好正👍🏻意大利飯冇我想像中咁膩，食落去有香濃嘅南瓜味，清清淡淡帶有一點點微甜，都幾好食㗎👍🏻⭐️紐西蘭一級肉眼牛扒 10安士配燒汁 ＋$48
New Zealand Rib eye steak 10oz with gravy煎到五成熟嘅牛扒，食落去有好香濃嘅牛味，同時都好Juice🥩🤤 塊扒性價比高👍🏻 而配菜係紫薯蓉🍠同埋羽衣甘藍，而且毫無添加調味料😋好健康❤️又好食🤤⭐️餐飲 Drinks (轉特飲半價 )💁🏻♀️ 菠蘿蜜桃（凍） +$15🍍🍑 係菠蘿蜜桃茶，有香濃嘅菠蘿味😂🍍🍍💁🏻♂️ 玫瑰朱古力（凍）+$34🌹🍫飲落去有好香濃嘅朱古力味道，帶有淡淡的玫瑰花香😋⭐️自選甜品 Dessert 我哋揀咗兩款蛋糕，一款係常見嘅芝士蛋糕🍰，另一款係雲石芝士蛋糕🍰將個蛋糕食落去都好Creamy，芝士蛋糕有好香濃嘅cream cheese味會唔會好膩嘅感覺，而雲石蛋糕帶有朱古力嘅味道以及咖啡嘅香味，不錯喔😌
繼續閱讀
【哥爾夫球場內的隱世餐廳｜💛花火洋食】「花火」系列嘅餐廳相信唔少朋友都search過甚至支持過，今次去咗屯門高爾夫球場睇場，原來裡面都有一間「花火洋食」，有隱世文青小店感覺，亦有戶外部分，日頭嚟相信會幾舒服。於露天停車場泊好車，行2分鐘左右會見到一間小屋餐廳，沿途望到綠油油嘅發球區，未有得飛嘅我係呢刻會有少少自駕遊感覺。食咗咩？簡簡單單唔使諗嘅2人餐：💛前菜餐湯前菜x2,份量都幾多💛羊鞍店員幾細心咁問羊嘅熟度，今次我點咗5成熟，都真係幾淋，另外好喜歡有羽衣甘藍做配菜，薯蓉都好香好好食。💛大啡菇意大利燴飯朋友唔想食咁多肉，見到呢個意大利燴飯就啱晒佢喇！目測無肉，適合想食清啲或走肉朋友。💛芝士蛋糕🍰好多二人set嘅甜品蛋糕都係好迷你，幾驚喜係今晚甜品竟然係兩件cake, 原庄3角size! 我哋揀咗芝麻味和柚子芝士味，我哋都喜歡柚子口味，酸酸甜甜好清新。💛飲品成壺上嘅茶, Coffee餐廳仲提供唔少優惠畀打完哥爾夫球嘅朋友、區內區民及不同類業界人士。
繼續閱讀
.今次同男朋友去左呢間花火洋食食晚餐佢喺輕鐵車廠站隔離架屯門站轉輕鐵可以到達今次男朋友就揸車車🚗因為高爾夫球場⛳️旁有免費停車場🅿️餐廳唔大 臨近聖誕有聖誕節裝飾座位都坐得舒服😉 今次試左佢既二人餐 $338 +10%是日餐湯：洋蔥🧅忌廉湯是日頭盤：明太子薯仔沙律菜🥗意粉或薄餅四選一：煙燻三文魚配日式芥末忌廉汁野菌意粉🍝主菜六選一：日本西京味噌焗美國穀飼豬鞍伴薯菜自選甜品🍮 餐飲野食係有驚喜的❣️洋蔥🧅湯佢攪碎洋蔥🧅唔錯 好濃味❣️明太子沙律🥗好開胃 味道少少🤏辣 不過明太子就係咁的啦😉❣️煙燻三文魚配日式芥末忌廉汁野菌意粉🍝三文魚整到成朵花咁😍 芥末忌廉汁原來都好配意粉的幾開胃 意粉比較乾身 幾鍾意❤️佢既份量都多架😜 兩個人岩岩好❣️日本西京味噌焗美國穀飼豬鞍伴薯豬鞍其實都好大塊 仲要好厚！亦都冧 好易切 男朋友覺得有少少穌不過小編覺得okay啊 好好味😋 仲配埋紅菜頭汁而伴碟的菜、薯仔🥔全部都食得😚 ❣️最後係甜品 有好多味道可以揀 我地揀左荔枝玫瑰🌹同埋意大利芝士蛋糕🍰正常開揮 小編鍾意荔枝玫瑰多一啲 比較fresh ❣️至於野飲 男朋友好鍾意奶茶🥤 正常發揮小編揀既凍玫瑰朱古力🍫 好有驚喜！成杯朱古力唔會太甜 仲有好多玫瑰花🌹好有心思架 飲到有玫瑰味😙PS有機會都想學下打高爾夫球🏌️先🥢花火洋食 (屯門)📍屯門龍門路54號屯門高爾夫球中心餐廳
繼續閱讀
冇諗過喺哥爾夫球場都可以有一間幾有質素嘅餐廳，雖然佢嘅裝潢都好普通，但入邊嘅西餐都幾好味。今次食咗個燒汁雞扒飯，個雞扒飯嘅皮好脆口，肉又幾入味，所以整體都唔錯。佢仲包埋湯同嘢飲，整體買單都唔使$100所以都幾抵食。
繼續閱讀