得閒飲茶 (MONTEREY Place)

營業中

休息中

大家想飲茶係咪只會諗到去茶樓呢？將軍澳呢間DHYC Dimsum Restaurant就唔同啦，環境舒服之餘，又有海景睇，最重要係唔使同人迫！而呢度不論晏就定夜晚都有點心提供😋有寵物嘅朋友亦可以帶小主人嚟！DHYC Dimsum Restaurant嘅裝修非常新派，連食物亦都係！夏日炎炎，行到勁熱，呢度就有多款冷泡茶（例如：桂花觀音、玫瑰烏龍）選擇，真係夠晒透心涼！我同朋友叫咗好多唔同點心，印象最深刻嘅係鵪鶉蛋松露燒賣，因為入面隻鵪鶉蛋係流心嘅，好得意！另外，個鍋貼蝦多士同樣好正，上面啲蝦好彈牙，下面個多士好鬆脆，口感唔錯！我哋一路望住個海景，一路食點心，唔覺唔覺就叫咗勁多，超滿足！最後，當然要叫返碗綠豆沙糖水啦，呢碗綠豆沙真係不得了，因為煲咗勁耐，所以變到好濃好溶，食完好舒服！想慢慢地靜靜地食個包嘆番杯茶，大家就一定要嚟DHYC Dimsum Restaurant啦！