影片
更多
2021-06-02
1708 瀏覽
大家都好耐無去過旅行啦~我和男友都很掛念外國的食物了, 尤其祟日的男友, 喜歡日式燒肉, 刺身, 壽司等食物上網睇咗一輪食評, 佢話好想試下堅石燒喎餐廳位於地庫, 呢條樓梯令我重回去日本時的居酒屋咁, 好有FEEL見佢有韓文字, 唔理佢係日式定韓式了, 食物好吃就不理了~對住門口位置有個小自助區當中有飲品 (汽水, 菜, 湯), 蒜味意粉, 白飯, 醬汁都是自助的另一邊的雪櫃放了杯裝沙律(都是任吃的) 和收費的飲品再過一邊就是任吃MADE IN HK嘅雪榚, 口味都有4-5種;另外一邊有芒果味嘅啫喱呢度仲好貼心, 有即棄嘅圍裙比大家, 以免燒肉時會彈到D油起衫上環境坐落都幾寬鬆, 而家限聚加埋布廉, 感覺更有私隱男友指定要份靚牛來燒, 所以點了一份200g嘅日本A4和牛肉眼蓋, 而menu也註明是"必食", 就緊係點d推介的然後加了一份限定的韓式豚肉石鍋飯, 煎泡菜餃子和芝士白汁煙肉焗西蘭花在等待上菜的期間, 當然來份餐前沙律醫下肚先全部都用樽仔入住, 保存新鮮, 疫情下又唔怕有菌, 唔錯而沙律汁就自己調配呢度嘅上菜速度也算快, 我行開拎沙律的同時熱石和牛肉已經送到附上牛油和蒜片, A
我和男友都很掛念外國的食物了, 尤其祟日的男友, 喜歡日式燒肉, 刺身, 壽司等食物
上網睇咗一輪食評, 佢話好想試下堅石燒喎
餐廳位於地庫, 呢條樓梯令我重回去日本時的居酒屋咁, 好有FEEL
見佢有韓文字, 唔理佢係日式定韓式了, 食物好吃就不理了~
對住門口位置有個小自助區
當中有飲品 (汽水, 菜, 湯), 蒜味意粉, 白飯, 醬汁都是自助的
另一邊的雪櫃放了杯裝沙律(都是任吃的) 和收費的飲品
再過一邊就是任吃MADE IN HK嘅雪榚, 口味都有4-5種;
另外一邊有芒果味嘅啫喱
呢度仲好貼心, 有即棄嘅圍裙比大家, 以免燒肉時會彈到D油起衫上
環境坐落都幾寬鬆, 而家限聚加埋布廉, 感覺更有私隱
男友指定要份靚牛來燒, 所以點了一份200g嘅日本A4和牛肉眼蓋, 而menu也註明是"必食", 就緊係點d推介的然後加了一份限定的韓式豚肉石鍋飯, 煎泡菜餃子和芝士白汁煙肉焗西蘭花
在等待上菜的期間, 當然來份餐前沙律醫下肚先全部都用樽仔入住, 保存新鮮, 疫情下又唔怕有菌, 唔錯
而沙律汁就自己調配
呢度嘅上菜速度也算快, 我行開拎沙律的同時
熱石和牛肉已經送到
附上牛油和蒜片, A4和牛花紋超靚
燒牛前先放牛油, 等石表面有點油脂, 然後在燒肉時會有點牛油味更香
舊熱石超熱, 大家燒嘅時候都要小心,
一放落去已經"芝芝聲", 唔使幾多秒d牛已經熟咗表面啦, 我見到男友已經吞緊口水啦
日本A4和牛肉眼蓋係無得頂, 肉質軟嫩富牛味, 因為佢本身都有牛脂肪而且分佈均衡食嘅時候啲油脂混埋牛肉一齊, 很香很有味道!
如果單吃2-3件是會有點膩, 所以餐廳的自助區設有白飯和蒜香意粉給大家中和
白飯就不了, 因為我地點了一個石鍋飯, 但男友夾了點意粉來配A4和牛
少有地話個意粉都好吃, 我試了一啖, 又真係幾香蒜味喎, 啱哂佢!
而我就緊係留肚食石鍋飯啦, 呢個韓式豚肉石鍋飯係限定嘅
入面都幾多豚肉, 唔係厚切, 反而薄薄地會無咁膩
醬汁都好韓式, 但唔辣嘅, 不過可能醬汁多咗d, 焗咗一陣都只得好少飯焦, 但味道其實是ok的, 料又足
另外2款小食, 煎泡菜餃子都好足料, 有泡菜同粉絲, 微辣, 放耐咗凍咗仲可以起熱石度整返熱添
而西蘭花就無咩特別, 可以叫清下口腔, 食d菜無咁油膩 (其實食埋d薯茸都好飽肚)
餃子好味!
最後點少得甜品埋尾丫, 冰凍嘅雪榚同啫喱嚟幫身體降溫
雪榚其實有朱古力, 芒果, 雲尼拿, 沖繩海鹽
緊係試個味道特別d啦, 海鹽有少少咸味, 因為雪到啱啱比客人食得, 一畢就畢到, 唔係冰咁, 海鹽是沒有味道, 所以個質感有d似牛油, 又有少少咸咁, 都幾得意
而芒果啫喱入面有椰果, 可能先前的海鹽雪榚沒有味道, 食呢個時覺得好夠芒果味, 同埋我鐘意有椰果有咬口口感
2個人埋單5百鬆但又食到靚牛, 又有gimmick, 我覺得值得嘅
只不過要預咗食完燒肉會成身味, 因為咁啱部除味機壞咗
張貼
