爆丼屋 (已搬遷) 新店位置

早兩個月，係社交媒體不停被裝到滿瀉既魚生飯或者牛肉飯洗版。其中，爆丼屋絕對係佼佼者，晚市等待時間亦要成兩個鐘。星期二既正午，出到旺角，有一個鐘食飯時間，諗起爆丼屋，唔知等得耐唔耐，都決定搏下。一個人算係比較易等位，而當日人流亦唔算多，等左十分鐘就入座，坐bar枱。有午市套餐提供，叫左個三文魚火山盛丼($108)。唔知正價份量如何，但呢個午餐已經算係「爆丼」。滿滿既三文魚刺身、三文魚子加上上面既吞拿魚蓉。三文魚入口意外甘甜，配上豉油帶出鮮味。吞拿魚蓉亦做得唔錯，剁得幼細，但未及三文魚新鮮。另外有兩包紫菜提供，我當然用左黎做紫菜飯。丼飯其實個飯都好重要，不過呢度個飯就比較硬實，亦唔似一般日本米咁有甜味。麵豉湯味道正常。原來仲中華沙律係一早上定，但應該太忙無俾到我。不過我無出聲，因為個人業中華沙律無乜興趣，而且已經食到好飽肚，食唔晒。價錢只係$108，無加一，再加上只係等左兩個字，已經算係好抵食又好味！