影片
更多
2017-05-23
142 瀏覽
和朋友三五知己喺旺角搵身，周圍好多人，唔知去邊度好。見到facebook呢排好興一家以港式小食crossover的西餐，見咁得意就試下啦！二人套餐加多幾個小食，四個人啱啱好。前菜有翅同沙律。沙律真心好食！沙律一定要減肥先食架咩？細細聲話你知，每餐空肚食啲野葉打定個底，係會大大減低跟住食落肚所吸收既糖分架，以上資訊係朋友一次睇一個日本健康節目提供架。今次點左個二人套餐，入面包左沙律，一於試下個沙律既水準。《街坊》出名係玩中西fusion菜，最基本既胡麻野菜，胡麻醬味道夠濃、野菜夠爽甜，最重要係果幾片木瓜，好清甜，而且加落沙律夠哂清新，再加埋兩大塊嫩滑雞肉，配有秘制醃料，好野味！呢個沙律真係為接落黎既餸菜打好左個底！安格斯肉眼300g 今次喺二人套餐入面個主菜我地揀左安格斯肉眼。雖然menu寫左300g，但其實我地都無具體諗到有幾大塊。一上菜嗰下，我地真係「嘩」左岀黎！塊扒幾乎大過我地塊面。因為朋友鐘意食熟少少，今次叫左7成熟，原來都擔心會「鞋」口，但切落去好「諗」，食落去仲好juicy！而且唔油膩，佩埋個蒜蓉汁，味道啱啱好！個扒仲有啲配菜，好似薯格、蕃茄仔同茄子，唔會只係食扒咁單調。而且
二人套餐加多幾個小食，四個人啱啱好。前菜有翅同沙律。沙律真心好食！
沙律一定要減肥先食架咩？細細聲話你知，每餐空肚食啲野葉打定個底，係會大大減低跟住食落肚所吸收既糖分架，以上資訊係朋友一次睇一個日本健康節目提供架。今次點左個二人套餐，入面包左沙律，一於試下個沙律既水準。《街坊》出名係玩中西fusion菜，最基本既胡麻野菜，胡麻醬味道夠濃、野菜夠爽甜，最重要係果幾片木瓜，好清甜，而且加落沙律夠哂清新，再加埋兩大塊嫩滑雞肉，配有秘制醃料，好野味！呢個沙律真係為接落黎既餸菜打好左個底！
安格斯肉眼300g 今次喺二人套餐入面個主菜我地揀左安格斯肉眼。雖然menu寫左300g，但其實我地都無具體諗到有幾大塊。一上菜嗰下，我地真係「嘩」左岀黎！塊扒幾乎大過我地塊面。因為朋友鐘意食熟少少，今次叫左7成熟，
原來都擔心會「鞋」口，但切落去好「諗」，食落去仲好juicy！而且唔油膩，佩埋個蒜蓉汁，味道啱啱好！個扒仲有啲配菜，好似薯格、蕃茄仔同茄子，唔會只係食扒咁單調。而且每樣配菜都有兩件或以上，啱哂同三五知己分享。以這個價錢，食到咁有水準嘅肉眼扒，仲包埋湯、沙律、飲品同甜品，仲唔係街坊價？真係值得搵埋班frd黎試！
芝士焗西蘭花依家岀家食飯點都要叫番至少一碟菜，唔可以做食肉獸！「街坊Cafe」呢個芝士焗西蘭花真係好好食，焗得香口又唔會燶。西蘭花份量多又爽口！芝士味好濃郁，啲芝士仲可以拉岀絲！同平時有啲地方整岀黎水稀稀又唔夠芝士味真係兩回事！西蘭花面上仲灑左好多芝士粉，啱哂鐘意食芝士同西蘭花嘅你！
野菌露荀雞肉意大利飯呢個飯好驚喜 之前食過有d飯係好硬架，所以這個充分掌握到粒粒分明又軟熟係吾容易！黑松露味好濃！
德國腸拼盤有兩款德國腸 仲配埋薯蓉 好match！一d都吾漏，做小食一流！
個餐仲包埋特色飲品唔使再加錢，真係夠哂街坊價！因為好多出面既套餐都只會包基本野，估唔到呢度可以有時興既泡泡汽水同埋蝶豆花特飲。蝶豆花既賣相真係同餐牌差唔多，唔似街邊有啲影出本黎好靚，整到出黎就唔同樣。其中一杯叫我的宣言，係mix白桃、玫瑰，會甜一啲，但中意桃加玫瑰既朋友應該唔會失望，因為啲味唔假，幾好飲。
藍蝶豆花飲品-「換個他」左見到其他枱都嗌左呢款野飲，見到顏色好特別！就叫杯黎試下 藍蝶花成日聽 但今次都係第一次飲 顏色好靚 加左熱情果味 好特別 ！可以trytry！
二人套餐，當然唔少得甜品。話明街坊野，我哋就點左個紫薯吉士雞蛋仔甜品一上台，真係好吸睛，因為未試過咁樣食雞蛋仔！紫薯好足料，紫薯控一定心心眼。不過整體黎講，因為又紫薯又有吉士醬，略嫌太甜，但好彩佢配有雪糕，咁就平衡返個甜度。不過，有紫薯吉士鋪滿既雞蛋仔就冇咁脆，想食傳統雞蛋仔，就要有合理期望喇。
張貼
