台蔡滷肉飯

營業中

休息中

之前已經係荃灣店Fans，開到過黎排下隊，就入去食水準依舊，依舊出色，就算係台灣都唔會輸俾當地名店。至於點解話佢哋係台灣味道，因為食得出全部調味都係用返台灣牌子，其實就係細節已經決定味道。鹹酥雞炸得啱啱好，舊舊都咁大，而且鮮嫩多汁，連塊九層塔都好似揀過咁，小店用心到咁。至於蛋餅就更加唔洗講，足料、口感豐富，香港搵到好味嘅蛋餅難過滷肉飯同鹽酥雞。花雕麻油雞就最有台灣味，因為真係食到之前係台灣佢哋用嘅個只麻油香。相信都要再排多一段時間，而且咁嘅好味道，只希望長做長有！