炯記手撕雞 (汝州街) (已結業)

高度推介呢間食店，基本上每樣野都有質素，而且好多選擇，豐儉由人。.棋哥祕傳燒鵝撈粗(連例湯)祕傳意思就係撈粗時用上鵝油，食落好香唔會得個油字又好滯。個麵份量大，麵質爽口彈牙，燒鵝燒到汁香肉嫩，係非常之出色。例湯亦都無馬虎，非常咁足料。.手撕雞拼海蜇小食肉質好嫩滑嘅手撕雞，平時食麻辣既話係容易嗆左食材本身味道，但鹽焗就好難呃，真材實料嘅滑，完全無榎口。海哲清脆爽口，醋既份量好所以唔會太酸，令人好開胃。.冬菇扒油菜就連普通一碟菜都唔普通，呢個加埋冬菇都係$20 ，真係超値，冬菇係炆得好入味，係有新年先食到既味道。