肉浦團火鍋放題 (已結業)

黎到旺角有好多好野食，行過見到有廣告牌叫肉浦團火鍋放題，見到有定食火鍋套餐或者放題火鍋套餐，於是就上去睇睇。睇完就決定食放題套餐，叫左「浦」餐，算係中等價位，但食物都好豐富，絕對夠食。湯底方面想食清啲，叫左藥膳醉雞煲。坐低一陣，湯底勁快送到，藥膳湯底，醉雞另上，職員叫我試試個湯先，試完苦苦甘甘，好香藥膳味，之後落埋d雞件，雞件醃過黎，好香酒味，好滑唔柴。之後食佢第一round 既牛，全部都好有牛味，非常不錯。特別想講佢既海鮮，有蠔同虎蝦，本身仲有蝦滑但賣哂，蠔好肥美，通常睇落大隻但煮完佢就縮，但呢度既蠔煮完仲係大大粒，又新鮮。虎蝦勁大隻，唔係霉肉，隻隻都好結實，食得出好新鮮，嗌蠔同虎蝦已經夠，因為真係好好食。總括黎講，貴精不貴多，海鮮回到本。