影片
港鐵旺角站 E2 出口, 步行約5分鐘
繼續閱讀
開飯介紹
餐廳鄰近家樂坊，交通方便；按肉類及海鮮設有不同價位的任食火鍋套餐，另於自助食品區有自選肉類、蔬菜及飮品等選擇，適合和家人或朋友聚會。
繼續閱讀
營業時間
星期一至日
17:00 - 23:30
公眾假期
17:00 - 23:30
公眾假期前夕
17:00 - 23:30
以上資料只供參考, 請與餐廳確認詳情
相關文章
網上看了食評都是在本年3月份的，個個都寫到好多嘢食，質素好好，又話有啲咩嘢飲有啲咩嘢食又häagen-dazs雪糕......首先講環境：我哋約咗夜晚七點半，雖然係星期四，都冇諗過全場連埋我哋應該得三台客，我仲同朋友講可能突然間天氣熱冇人想打邊爐，唔會係其他原因，點知原來真係唔值得嚟！！！因為全場得三台客，所以安排曬所有人喺門口嘅左手邊，因為近門口所以冷氣十分微弱....食物方面：去到現場，睇啲預製可以喺外面夾嘅食物，所謂瑞士雞翼盤底入面得兩三隻，咖哩魚蛋個位置係冇嘢嘅；所謂嘅炸物，得幾件薯格，幾件疑似炸蟹鉗嘅東西，一啲乾掙掙嘅燒賣........飲品喺網上見到有好多選擇，實際上寥寥無幾，唯一賣點可能就係有韓國嘅樽裝酒精飲品.....湯底方面：叫咗蕃茄湯底，買胡椒湯底，基本上一個字：有味嘅水，垃圾質素！火鍋食品方面：牛肉也好豬肉也好，都係最垃圾級嘅，向外邊夾嘅都係得啲好普通嘅丸蔬菜，基本上我哋五個大人兩個十歲以下嘅小朋友，應該點咗五至六盤肉，四隻蝦，兩個烏冬，四隻餃子，已經冇嘢想再食！！！！！甜品方面： 諗住衰極都有杯häagen-dazs雪糕，我睇3月29號嘅食評都仲係有，點知道問店舖員工表示而家已經冇雪糕供應！！！！！我哋叫嘅係set B成人$328，小童$238，即使有85折，截咗都接近$1,400，真心講我食牛一，牛站任何一間都好十倍。垃圾級別，大家唔好畀食評上嘅打手欺騙，我從來都唔喺openrice寫食評，實在忍唔住，連我同行朋友話點解佢仲未執笠，我諗就係因為大家都畀網絡上嘅打手呃咗。。。
繼續閱讀
個場唔知係壞冷氣定點，入面少少既地方係幾乎完全冇冷氣，得部坐地既冷風機一次過負責晒四枱既冷氣，當然係完全唔夠，好彩樓面姐姐見我哋成頭汗，搬部風扇仔過嚟，叫做好少少啦🤏食物/飲品種類已經偏少，海鮮得一款蝦，一款魚片，雖然有炸糍粑，但本身已經熱，實在唔想再食炸嘢。本身淨係呢點以呢個價錢黎講已經冇下次，佢仲要冇冷氣。晚飯時間入到黎見到冇咩人已經心知不妙，估唔到係差到咁，瀨晒嘢係一次真真正正既貼錢買難受☹️
繼續閱讀
食評：不推薦的用餐經驗最近我在某餐廳用餐，整體經驗令人失望。首先，餐廳內沒有冷氣，讓人感到非常不適，尤其是在炎熱的天氣裡，坐在裡面簡直像是在蒸籠裡。其次，服務態度也不佳。服務員似乎對顧客的需求不太在意，點餐時的反應冷淡，讓人感覺不受重視。即使我們有問題想要詢問，他們的回答也相當敷衍。最後，餐廳並沒有提供任何優惠或促銷活動，對於價格來說，這點特別讓人失望。以目前的服務質素和就餐環境，這樣的價格實在不值得。總結來說，這次的用餐經驗並不愉快，無論是環境、服務還是價格，我都不會再光顧這家餐廳。希望他們能夠改善這些問題，給顧客提供更好的體驗。
繼續閱讀
呢排天氣轉涼，想同朋友坐耐少少，就嚟咗呢間任食火鍋試吓~🍲我哋揀咗個Set B套餐（$328/位，無限時任食）一埋到位，店員同同我哋講有幾個頭盤係額外包咗！有A4和牛牛胸片，封門柳同後腿肉！牛胸片好多油花！擺落口就即刻溶咗；個後腿肉好嫩滑；試吓個封門柳 特別有牛味🐮呢度嘅熟食都好多！有春卷、炸蝦、蟹鉗咁啦同埋瑞士雞翼！味道都唔錯！！🍤終於到戲肉喇！今次我哋嗌咗沙嗲湯底！呢度都有好多海鮮好似黑魚肉、虎蝦、蜆呀咁，呢個set包咗嘅任食安格斯牛都好入味！同朋友仔食得好開心！！🥩不得不說呢度有兩款自家製嘢飲。係酸梅湯同埋桂花茶！個人感覺桂花茶都好好飲！☕️仲可以任飲韓國燒酒添🤤埋尾仲有附送嘅Häagen-Dazs甜品！我哋都揀咗鍾意食士多啤梨味！🍓
繼續閱讀
我同幾個朋友去咗旺角一間火鍋邊爐放題，簡直係一個美食天堂！我哋選咗中等價錢嘅set，真係超值，因為入面有任食蜆、雞肉、牛肉、丸類、菜類，仲有任食新鮮即炸炸物，味道真係好得意！而且，最好食嘅就係炸地瓜丸同紅糖糍粑！呢度嘅蜆新鮮得嚟，味道鮮美，涮一涮就可以食，真係好適合鍾意海鮮嘅朋友。雞肉同牛肉都係新鮮嘅，肉質滑嫩，特別係牛肉，咬落去真係好有嚼勁，味道濃郁，搭配自己鍾意嘅醬料，完全係一個享受。至於丸類，佢哋提供咗各款不同嘅丸子，包括魚丸、肉丸同埋蟹肉棒，每一款都好有口感，無論係煮或者涮都好食，特別適合一齊同朋友分享。菜類方面，選擇都幾多樣，有新鮮嘅生菜、冬瓜、蘑菇等等，搭配火鍋食材，既可以增加營養，又可以令整個火鍋更加豐富。菜新鮮，食落去唔會有苦味！而家講講即炸炸物，呢個真係一個驚喜！每次去火鍋店，炸物都係我最期待嘅部分，呢度提供咗任食嘅炸物，真係食得唔停。炸地瓜丸特別好食，外脆內軟，地瓜味濃，咬落去有甜味，搭配少少醬油，更加好味！而且，佢哋仲會即炸，每次出嚟都熱辣辣，真係好享受。另一個不得不提嘅就係紅糖糍粑，呢個甜品真係一試成主顧！外面炸得香脆，內裡軟糯，裹住香甜嘅紅糖，每一口都令人陶醉，根本停唔到手！我哋一個接一個咁食，完全冇得停，真係好正！如果你鍾意火鍋，或者想試下新鮮即炸嘅小食，呢間店絕對值得一試！
繼續閱讀