豚道樂 (百合苑商場) (已結業)

獨獨自己一個lunch時段去到黃埔度食野， 一直都想食日本嘢， 我搵又搵， 終於畀我搵到，本身想食對面嘅蟹宴，可惜成本太高唔合符我預期，果斷轉食拉麵。先黎日式芥末拉麵， 冇諗過芥末味咁重，但係完全唔刺鼻， 拉麵就叫咗硬身，來到同我預期一模一樣， 口感十足。再黎日式餃子， 餃子煎到脆卜卜但係完全冇𤓓味， 菜肉比例啱啱好，作為小食極佳。信州白提子梳打，凍飲來到夠曬凍， 嘢飲夠曬氣， 白提子味又夠香， 冇諗過一支咁普通嘅飲品都咁出色。其實佢仲有好多嘢食， 不過得自己一個人食唔到咁多。