影片
更多
2015-12-30
493 瀏覽
琴日行過 半熟工房 Hanjuku Kobo 竟然門口無人龍，咁就梗係買返啲食下啦。真係好難得，入面都係得唔夠10個人係前面排，咁梗係排下啦，買番幾個返屋企同屋企人share下。少少tips：如果想幫啲撻保暖，買完之後將自己條頸巾放埋入去個袋度，禁住個盒就可以保暖嘞，我成個鐘車返屋企，返到屋企個撻都仲係暖㗎。買咗6個撻，4個原味 + 2個綠茶味佢哋真係幾好賣，真係賣完一盤又一盤，都真係熱辣辣架，如果即買即食都幾開心。其實之前都睇咗唔同嘅食評，對佢都無乜好大嘅期望，不過都無令我失望，兩款撻都好好食。唔知係唔係我自己唔係特別好芝士味，我覺得個綠茶味好食啲，但係我全家人都覺得原味係好食啲.....講返個撻先，原味芝士撻，流心芝士就冇乜喇，不過個心都係gooey嘅，切起上嚟都係黐刀，食落去都係會食到溶咗嘅芝士漿。成個撻都好有芝士味，唔會太甜，又唔會漏，真係一次過食幾個都仲得。暖暖嘅流心芝士，食落就好似有一股暖流將成個口暖暖咁包住，但係又唔會好似泥咁漿住個口，真係纏綿得嚟又唔會太黐身。芝士嘅口感係滑捋捋嘅，真係好似好似絲一樣咁滑，唔怪之得咁多人為佢而瘋狂。 甜酸度，都balance得好好，唔會覺
真係好難得，入面都係得唔夠10個人係前面排，咁梗係排下啦，買番幾個返屋企同屋企人share下。
少少tips：如果想幫啲撻保暖，買完之後將自己條頸巾放埋入去個袋度，禁住個盒就可以保暖嘞，我成個鐘車返屋企，返到屋企個撻都仲係暖㗎。
買咗6個撻，4個原味 + 2個綠茶味
佢哋真係幾好賣，真係賣完一盤又一盤，都真係熱辣辣架，如果即買即食都幾開心。其實之前都睇咗唔同嘅食評，對佢都無乜好大嘅期望，不過都無令我失望，兩款撻都好好食。唔知係唔係我自己唔係特別好芝士味，我覺得個綠茶味好食啲，但係我全家人都覺得原味係好食啲.....
講返個撻先，原味芝士撻，流心芝士就冇乜喇，不過個心都係gooey嘅，切起上嚟都係黐刀，食落去都係會食到溶咗嘅芝士漿。成個撻都好有芝士味，唔會太甜，又唔會漏，真係一次過食幾個都仲得。暖暖嘅流心芝士，食落就好似有一股暖流將成個口暖暖咁包住，但係又唔會好似泥咁漿住個口，真係纏綿得嚟又唔會太黐身。芝士嘅口感係滑捋捋嘅，真係好似好似絲一樣咁滑，唔怪之得咁多人為佢而瘋狂。 甜酸度，都balance得好好，唔會覺得有芝士酸，我嘅鍾意。
至於綠茶味，基本上係有晒原味嘅口感同味道，只係多咗少少綠茶味，雖然個撻本身係唔漏，但係呢少少少少嘅綠茶澀味，令成個撻再清爽咗少少，將成件事昇華咗。咁當然因為多咗少少綠茶味，芝士味係有少少冇埞企，不過佢哋係好朋友，係埋一齊都係咁和諧嘅，真係芝士味中有綠茶味，綠茶味又帶啲芝士味。所以我覺得好食啲。
至於個撻皮，係牛油皮，但係食落去又無好似蛋撻皮咁漿口重身，比較輕同脆啲，啱晒襯芝士，唔會話令到個撻更加漏。
所以整體嚟講，真係幾好食，唔使排隊就更加正。
真心覺得比起要係超市排隊個個好食啲。
tips 2: 如果真係凍咗想整返熱，可以用微波爐，用中火／細火 （視乎個微波爐嘅火力，總之就係細火）叮20～30秒，就會暖暖地架啦。
張貼
