豪庭海鮮酒家 (已結業)

星期日是弟弟生日，下午先和祖母飲茶。再來這間酒樓，是因為邨內有得揀，祖母又愛飲茶，無辦法。今次下午茶叫了叉燒腸 (仍然唔滑，料又冇)、牛肉球 (冇試，但賣相 ok)、燉蛋 ($4.8 一碗，好大碗，媽說薑汁味超勁，但妹妹說聞好勁，食落冇乜味)、鮮竹卷 (超多油)、上素蒸粉果 (個皮好怪，黏力 特強，反而餡料冇乜五香粉，值得一讚)、流沙包 (冇試，看妹妹吃，流沙唔流的)、雞包仔 (冇試)、四寶飯 (餸多過飯，但每樣餸都不錯，雞肉滑；叉燒肥瘦適中、有微燶；鹹蛋黃流油，燒肉皮雖不脆，不過肉質尚可)，還有鳳爪 (今次終於用番花生唔係芋頭)、牛栢葉 (墊底蘿蔔三大塊、主菜得 4 件？)和籠仔蒸白鱔飯 (用荷葉蒸，冇荷葉香，飯底竟是炒飯底，超油，飯像冇下鹽，無聞無味，鱔薄切，肉肥美，讚)。總括來說，質素依然稱不上有水準，眼見星期日下午都有許多空位剩，比前酒樓要排隊攞籌的「盛況」相差甚遠，真替此酒樓擔心。