味道樂居酒屋 (河內道) (已結業)

一入到餐廳，真係好似去咗日本居酒屋，今日呢安排左我哋坐窗邊嘅位。有好多鐵皮玩具同鹹蛋超人陪我食飯。我哋两口子一口氣叫咗4樣嘢食。1杯香桃燒酌，1杯生啤《牛柳粒溫泉蛋石鍋飯》牛柳粒配左啲炸蒜片，正！牛肉一啲都唔老，石鍋黎到重渣渣聲。渣一陣先食重有少少飯焦，正丫。《壽喜燒鍋》牛肉油脂平均，唔係求其比两塊肥牛。多肉多菜。我最中意既日本菜之一。勁足料啊大佬～《芝麻雞翼》一碟3隻好香口好正，重juice唔會乾淨淨！勁多芝麻！《炸池魚仔》呢個真係超超超好食！個炸粉好鬆脆，個魚仔一點都唔會腥重好香口。朋友叫左杯生啤！真係一條接一接！very nice👍🏻！總捨黎講：份份都好大碟，好正，好少可日本野會比甘多甘足料！環境好好坐～有啲梳化位都岩帶小朋友食，今日閒日都爆滿，要試記得卜位最穩陣。