影片
更多
2017-05-27
184 瀏覽
一向討厭食連鎖餐廳嘅倒模食物，工廠式製造，出品無靈魂、無感情，仲排隊幫襯只會助長集團霸權。。。😤反而喜歡四出尋找小店逐間試，因為撇除「大公司統一標準」的制肘，小店廚師有更大空間去創作、製作自己的出品，食物能更有個人風格，往往會試出驚喜來！😁就好似上星期，同朋友去觀塘廣場買完嘢，然後見到街邊易拉架嘅宣傳海報，就中左上去試嘅呢間小店，就係最近令我覺得有驚喜嘅其中一間。🙈入到去鋪面雖然地方唔大，但總算環境舒服優雅，老友食飯，要坐低傾計，靜靜地都算幾適合。一坐低，餐廳經理已經好親切招呼，詳細介紹餐牌。晚市主力賣套餐，主菜款式選擇一點都不少，共有15款，包括意粉類、海鮮類、扒類主菜等等，價錢主要由百幾蚊到二百鬆不等，最貴的日本A5和牛 $300。每個價錢已經包括頭盤、餐湯、主菜和甜品。單看餐單上標示的項目，感覺定價都合理，不過都係唔好咁早下定論，講到底，都係要等食物上枱先見真章嘅。。。🙈好！先來頭盤！我哋揀咗：香煎蟹餅配芒果莎莎 & 凱撒沙律咦？個蟹餅一試，又真係有啲驚喜喎！😍蟹餅冇揸流攤，食落感覺無撈薯蓉，食到一絲一絲嘅蟹肉，配埋香甜嘅芒果粒粒，成件事感覺好夾、好清新！👍🏻旁邊嘅黑醋雜菜沙律
工廠式製造，出品無靈魂、無感情，
仲排隊幫襯只會助長集團霸權。。。😤
反而喜歡四出尋找小店逐間試，
因為撇除「大公司統一標準」的制肘，
小店廚師有更大空間去創作、製作自己的出品，
食物能更有個人風格，
往往會試出驚喜來！😁
就好似上星期，
同朋友去觀塘廣場買完嘢，
然後見到街邊易拉架嘅宣傳海報，
就中左上去試嘅呢間小店，
就係最近令我覺得有驚喜嘅其中一間。🙈
入到去鋪面雖然地方唔大，
但總算環境舒服優雅，
老友食飯，要坐低傾計，
靜靜地都算幾適合。
一坐低，
餐廳經理已經好親切招呼，
詳細介紹餐牌。
晚市主力賣套餐，
主菜款式選擇一點都不少，
共有15款，包括意粉類、海鮮類、扒類主菜等等，
價錢主要由百幾蚊到二百鬆不等，
最貴的日本A5和牛 $300。
每個價錢已經包括頭盤、餐湯、主菜和甜品。
單看餐單上標示的項目，
感覺定價都合理，
不過都係唔好咁早下定論，
講到底，
都係要等食物上枱先見真章嘅。。。🙈
好！
先來頭盤！
我哋揀咗：
香煎蟹餅配芒果莎莎 & 凱撒沙律
咦？
個蟹餅一試，又真係有啲驚喜喎！😍
蟹餅冇揸流攤，
食落感覺無撈薯蓉，
食到一絲一絲嘅蟹肉，
配埋香甜嘅芒果粒粒，
成件事感覺好夾、好清新！👍🏻
旁邊嘅黑醋雜菜沙律，
亦很酸甜開胃，
作為頭盤，係好唔錯嘅選擇，
嗯嗯。。。開咗個靚頭！😁
輪到 Caser Salad，
講返其實我本身係比較想試另一款頭盤 - 黑松露酥盒嘅，
但係因為我同老友各自睇中嘅主菜都係 Meat Main，
咁我就諗，前菜不如都係食多啲 Veggies 啦。。。🙈
不過最後我對呢個選擇都好滿意，
Butter Lettuce 又甜又爽脆，
食得出好新鮮。
我最鍾意係個dressing 的味道，
而且醬汁比例亦 Just Right，
僅僅均勻地掛面，
感覺清爽輕怡。👍🏻
而唔會好似出面有啲餐廳咁，
醬汁多到過分氾濫，
除咗影響到沙律菜嘅口感之外，
仲感覺膩滯。。。🙄
食完清涼頭盤，
經理就隨即送上熱辣辣的餐湯，
上菜嘅節奏都控制得不錯。
老友嘅黑松露野菌湯，
松露味幾香，
最緊要口感綿滑，順喉舒服，
不是那種超勁「麵撈」的港式西湯質感，
又「達喉」又撐肚！
也沒有像某些餐廳，一味加重忌廉來埋湯，
最後奶味都蓋過菌香。
總括來講，這個松露野菌湯，
味道口感都對板。
至於我嘅法式洋蔥湯，
嗯。。。其實味道係好好嘅，
好香甜嘅洋蔥味，
但係就無坊間一般法式洋蔥湯，
那因為下重牛油炒香洋蔥至金黃 caramelised 而做成湯面過油的問題，
不過！！！
令我有點失望的是，
湯面嘅芝士竟然係用芝士片。。。
而不是 mozzarella shredded。。。
沒有拉絲的法式洋蔥湯，
味道再好，我這個芝士怪也要狠心扣分！😩😩😩
好！入戲肉！
我揀嘅主菜係 :
烤西班牙脆皮乳豬😍
嘩，一嚟到我真係俾個 presentation 嚇一跳！
擺盤好 colourful 好靚，
我數過配菜有成七種咁多，
當中仲要包括我最like嘅焦糖玉桂蘋果! 😍
的確，酸酸甜甜嘅蘋果confit 從來都係西餐配 Pork Main 嘅最佳拍檔，
但係我真係冇諗過一間工廈小店都會肯在配菜上花這個心機和時間！
（大佬啊！我原本諗住你會求其比幾舊水烚蘭花＋2粒車厘茄我伴碟，又或者係一Pat粉開的薯蓉，再加埋翻𠒇頭先蟹餅隔離果汁沙律仔就算㗎喇！🙄）
肯用心做嘅嘢就不會差，
所以呢個西班牙乳豬主菜亦真係好好食，
個皮脆到好似薯片咁，
肉嫩有汁又保持到應有嘅口感👍🏻
因為我最怕有時食到出面有啲做法，
係為了貪方便而用滾水烚熟隻豬無哂肉味，，
之後先求其焗返脆個面，
搞到啲肉質好似煲湯豬肉咁，散晒！😤
而老友揀嘅牛柳，
一上枱，果然又係落足心機、吸引眼球嘅擺盤。
(大佬呀！都係果句啦。。。
二百幾蚊一個餐，
其實你就算比幾粒水烚西蘭花我，我都冇投訴架。。。🙄）
真係好鍾意佢哋用心配搭嘅 side dish，
旁邊嘅red beetroot puree 又靚又甜又健康！
仲有焦糖洋蔥、醋煮紫椰菜，
味道一酸一甜，用來配牛柳一起吃，大大減低油膩感👍🏻
最過癮係，經理過來重點介紹返那個襯底的薯仔 Risotto! 原來係將薯仔好俾心機慢慢切到好似一粒米咁大，再用煮 Risotto 嘅方法來處理，好味又得意！😍
而牛柳份量夠，
肉質淋滑，
生熟程度控制得宜，
老友話都冇乜嘢好挑剔了！😁
不過如果要我二選一，
我都係鍾意自己揀嘅西班牙乳豬多啲！😂
由於碟碟份量都好夠，
其實食完個 main 真係飽到郁唔到。。。
不過當然，甜品就令作別論嘅！😁😁😁
個拿破崙酥脆到不得了，
本身已經超鍾意食拿破崙嘅我，
係一度有諗過想Encore！
可惜老友話真係飽到陪唔到我喇，
咁唯有下次囉！🙄
Tiramisu 都幾好食，
唔會過濕一pat pat。
連埋尾杯咖啡都唔係Hea沖，
幾香濃！❤️
成餐飯由頭到尾都有驚喜，
埋單仲要每人二百幾，
CP 高的誠意之作，
我肯定會再嚟！👍🏻
小店要繼續努力呀！💪🏻
張貼
