心鉄板燒 (已結業)

好耐都冇食鐵板燒啦，而呢一餐係疫情以來我食得最開心嘅一餐，因為其實有得食之餘，仲可以一路睇住師傅係我面前烹調唔同嘅食材，師傅嘅手勢、刀工，烹調技術，真係令人嘆為觀止，平時食飯就撈電視汁，今日就有活生生嘅真人係你面前表演，呢餐飯真係值回票價我同朋友一人叫咗一個午餐，餐前小食就係蟹肉沙律菜同埋螺肉其中一個午餐係有一隻大蝦，師傅由剝蝦頭到剝蝦殼，全部都係用過鐵板燒嘅剷再加一枝义就可以完成成個過程，實在令人目不暇給而見到橙色嘅部份就係蝦肉啦煎到橙紅色食，鮮艷奪目，同埋師傅一啲都唔晒，佢利用左蝦頭嘅醬汁撈埋蝦肉一齊烹調，咁蝦肉嘅味道就鮮上加鮮最後大蝦終於上枱啦，紅色嗰醬就係蕃茄辣汁帆立貝就輕輕一煎表層，醬汁就用咗牛油同鱸魚濃湯一齊去煮最後上碟真係成件藝術品咁靚師傅有用過鏟將啲黑豚肉包住啲泡菜，本身開頭都擔心啲泡菜係辣嘅，但原來係一啲都唔辣㗎估唔到泡菜同埋黑豚肉個味道係咁夾，旁邊仲有啲白色嘅蘋果蓉，可以加埋一齊食，口感就更加豐富成餐飯我就最欣賞炒飯演變嘅過程，睇住啲白飯加兩隻蛋，慢慢撈勻，再變成黃色，師傅再落其他配料，最後就變成小女子炒飯，每粒飯都炒到好入味食到最尾仲有左上角煲到奶白色嘅鱸魚濃湯，