影片
更多
2022-12-07
12 瀏覽
尖沙咀厚福街一向多隱世美食，呢日我就相約朋友去咗藍馬商業大廈21樓嘅鳥鑫，小店主打燒鳥，鳥燒選擇有逾廿款之多！店內地方唔算太大，走木系和風，感覺好chill！串燒店少不了有開放式廚房，可以欣賞到師傅嘅手勢，但呢晚我哋兩個則選擇坐枱，食住串燒，靜靜地聊天！先點兩杯飲品，我點咗杯柚子梅酒，酸酸甜甜，清新醒胃。燒雞翼（$58@）雞翼燒得金黃香脆，內裡肉質嫩滑juicy！汁燒牛柳($48@)牛柳粒嫩滑多汁，不過醬汁比較濃味，略嫌遮蓋肉味。燒雞下腿($58@)雞肉好嫩滑，火候控制得宜雞軟骨($28@)口感爽脆，師傅簡單嘅調味，令到雞軟骨食落好香口，送酒一流！青椒仔($28@)除咗肉類，都要食蔬菜，點咗日本青椒仔，燒烤後散發出椒甜及香氣，令人食唔停口！洋蔥($28@)洋蔥沾上甜甜嘅醬汁，燒烤後變得軟腍又入味，好清甜！白鱔($58@)白鱔燒得脆皮，魚肉肉質結實彈牙！
先點兩杯飲品，我點咗杯柚子梅酒，酸酸甜甜，清新醒胃。
燒雞翼（$58@）雞翼燒得金黃香脆，內裡肉質嫩滑juicy！
汁燒牛柳($48@)牛柳粒嫩滑多汁，不過醬汁比較濃味，略嫌遮蓋肉味。
燒雞下腿($58@)雞肉好嫩滑，火候控制得宜
雞軟骨($28@)口感爽脆，師傅簡單嘅調味，令到雞軟骨食落好香口，送酒一流！
青椒仔($28@)除咗肉類，都要食蔬菜，點咗日本青椒仔，燒烤後散發出椒甜及香氣，令人食唔停口！
洋蔥($28@)洋蔥沾上甜甜嘅醬汁，燒烤後變得軟腍又入味，好清甜！
白鱔($58@)白鱔燒得脆皮，魚肉肉質結實彈牙！
張貼
