影片
更多
2023-10-30
22 瀏覽
最近用得太多腦，要食返餐好慰勞自己🤣🤣係銅鑼灣恩平道嘅Cubus最近就新進駐一間Sushi Houzan，由藍帶主廚Jack師傅主理，晚市有奢華蟹宴🦀🤩想以相宜價錢試到omakase，亦可以以$680食lunch set，有多款高級嘅貝類、魚類等，可以品嘗到不同處理手法及味道層次嘅海產🥰負責嘅傑師傅好細心講解每一道嘅出處同食材配搭，有啲壽司仲會配上出產地嘅牌仔甚至原條魚，壽司環節亦分開普通及赤醋飯2種去配淡或濃嘅魚，令整個用餐體驗嘅色、香、味三重奏更上一層樓👍🏻👍🏻性價比好高🤑🤑燉螺肉、燉蕃茄爽彈鮮甜，另外仲有酸甜嘅漬番茄開下胃😙😙鹽燒太刀魚燒至剛剛熟嘅太刀魚，非常impressive😋😋因為肉質嫩到痴線😍幾乎融喺口中，加上暖暖嘅溫度以及點到即止嘅鹹香，以及自己唧上嘅青檸汁，一件真係唔夠喉🤣清酒煮文蛤超鍾意食蜆類嘅我，都係第一次聽呢種文蛤，係一種日本大蜆。用清酒熬煮，先食超級大隻又無敵彈滑嘅蜆，咬落滲出無比清甜嘅湯汁💦再飲晒成碗清酒汁，混和清酒同蜆汁嘅甜味，超舒服☺️松葉蟹肉茶碗蒸呢度最signature係食蟹宴，今次lunch set唔係食蟹為主，但都有松葉蟹肉入饌嘅茶碗蒸。茶碗蒸嫩滑
燉螺肉、燉蕃茄
爽彈鮮甜，另外仲有酸甜嘅漬番茄開下胃😙😙
鹽燒太刀魚
燒至剛剛熟嘅太刀魚，非常impressive😋😋因為肉質嫩到痴線😍幾乎融喺口中，加上暖暖嘅溫度以及點到即止嘅鹹香，以及自己唧上嘅青檸汁，一件真係唔夠喉🤣
清酒煮文蛤
超鍾意食蜆類嘅我，都係第一次聽呢種文蛤，係一種日本大蜆。用清酒熬煮，先食超級大隻又無敵彈滑嘅蜆，咬落滲出無比清甜嘅湯汁💦再飲晒成碗清酒汁，混和清酒同蜆汁嘅甜味，超舒服☺️
松葉蟹肉茶碗蒸
呢度最signature係食蟹宴，今次lunch set唔係食蟹為主，但都有松葉蟹肉入饌嘅茶碗蒸。茶碗蒸嫩滑、蟹肉鮮甜、三文魚子鮮而不鹹，毋須額外落鹽，單單品嚐食材天然嘅味道就足夠😗😗
鰤魚配烏魚子
刺身有爽爽地嘅鰤魚，除咗塗上醬油，食之前仲刨上大量烏魚子😻食到鰤魚嘅魚油香之餘亦食到帶丁點鹹香嘅烏魚子😛
壽司十貫
🍣富山灣白蝦
先以清甜嘅蝦肉開始，口感帶丁點黏，加上柚子皮好清新開胃👍🏻
🍣帶子
好爽口鮮甜，面頭灑上少許竹炭鹽令賣相更特別😍
🍣真鯛
熟成咗7日，口感爽口，味道比較清淡。
🍣象拔蚌
好爽脆😋加上少許檸檬汁更清香。
🍣金目鯛
鮮甜爽口。
🍣皮剝魚
皮剝魚開始轉用赤醋飯，帶酸嘅壽司飯適合配開始濃味嘅魚👏🏻見師傅即席將魚肝磨成肝醬，食落除咗慢慢滲出輕輕嘅肝醬香味，亦食到香口嘅蔥花😛層次豐富。
🍣關池魚
來自佐賀關，係位於四國同九州中間嘅海域，魚味濃郁👍🏻
🍣青森大間中拖
係面前擺上咁大條吞拿魚腩真係好震撼🤩🤩中拖軟滑，食到啲吞拿魚魚油香。
🍣青森大間大拖
去到大拖嘅位置，口感較爽，油香再重啲💦
🍣馬糞海膽
一開始師傅冇預先放出嚟所以唔知最後一貫係咩，原來係我至愛嘅馬糞海膽，有驚喜😆😆海膽甘甜到不得了，入口即溶超級creamy，作為最後一貫真係好正🫶🏼
秋刀魚卷
見師父好仔細地鋪上一層層食材，賣相好靚好骨子😻秋刀魚魚鮮味香濃，加上爽口嘅蘿蔔絲等，口感味道豐富😋😋
素麵
最後嚟個好暖胃舒服嘅素麵，昆布湯底清甜。
甜品
雲尼拿雪糕，係我鍾意帶冰感嘅質地🤪
人均消費：$680
推介指數（10分為滿分）：8.5分
張貼
