滬點 (已結業)

除咗日本菜同埋泰國菜，最鍾意食就係上海菜🤩 小食叫咗醉香雞 ($68)同招牌小籠包 ($72/6隻) 醉雞好嫩滑，酒味好香，絕對值得一試🥰 另外小籠包都好高質，皮薄餡靚，大量肉汁，一人一籠都唔夠食☺️之後叫咗香脆糖醋咕嚕肉($82) 咕嚕肉要自己灑上甜酸汁，有特色之餘味道都唔錯，咕嚕肉炸到個皮好脆，肉好冧好新鮮，份量都幾多。仲有孜然蔥爆羊肉 ($92) 蔥味超濃郁，可以辟左羊肉嘅羶味，炒得夠晒火候，好惹味🤩因為未飽叫多個主食🤣，叫左上海粗炒 ($88) 上海麵煙煙韌韌幾好咬口，仲有肉絲，菜，口感好豐富🥰