27
0
1
港鐵銅鑼灣站 B 出口, 步行約4分鐘 繼續閱讀
電話號碼
28167937
營業時間
今日營業
11:00 - 17:00
18:00 - 23:00
星期一至日
11:00 - 17:00
18:00 - 23:00
付款方式
Visa Master AlipayHK 支付寶 現金 銀聯
其他資料
加一服務費
當面支付
食評 (29)
等級4 2020-09-02
356 瀏覽
特登嚟呢間新開嘅上海野食嗰個陳醋水晶肴肉,我呢個細細個就已經迷上左水晶肴肉嘅人,上次經過見到個Menu已經即刻想試。陳醋水晶肴肉$56呢一個真係今晚嘅重頭戲,特登嚟到就係為咗食佢,果然不負眾望,比平時食到嘅水晶肴肉,呢一個個啫喱多咗陳醋嘅味道,應該係製成嘅啫喱嘅時候已經加入左陳醋,令到平時食水晶肴肉要另外沾醋,但係呢個就唔需要啦,同埋平時食加咗醋都只係個表面,而呢個真係融入左成個水晶肴肉當中,而且味道覺得啱啱好,唔會過酸唔會過甜,啱啱吊起晒成個肉味,好食到我忍唔住最後打包多一個走。醉香雞$68呢一個雞酒嘅份量啱啱好,唔會話好濃烈得返酒味,而且啲皮好薄,一啲肥膏都冇,平時唔食雞皮嘅我都覺得可以食呢啲咁薄嘅雞皮,雞肉非常之滑,特別經過酒嘅醃製之後。四喜烤麩$56比起之前嘅兩到前菜,呢個就稍為失色,佢相對比起平時食到嘅冇咁甜,但係烤麩好鬆軟煙銀,吸到好多汁所以好入味。灌湯牛肉餡餅$36切開一半嘅時候裏面啲湯即刻擁晒出嚟,非常足料,層皮好薄,啱啱好吸到啲湯汁,但係外皮又保持到香脆。韮黃炒鱔糊$88呢一個送飯一流,紅燒醬汁甜甜鹹鹹,更加開胃,鱔好彈牙,炒得好入味,略嫌多咗少少細骨,食嘅時候要小心啲,鍾意佢韮黃嘅份量好多,可以中和膩感。魚湯時蔬$78蒜苗好爽脆,分量唔算好多,個魚湯有少少比啲蒜苗溝淡咗,冇咗魚湯嘅濃郁感。雷沙湯丸$48雷沙湯丸即叫即整,上來嘅時候仲好熱辣辣,裏面嘅芝麻蓉甜而不膩,流沙嘅感覺融化喺口中,同煙煙銀銀嘅湯圓皮相映成趣。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-01
254 瀏覽
疫情放緩之下,對於香港人來說足不出戶,只能外賣回家難免真的很辛苦呢?灣仔美食多不勝數,各式各樣的美食匯聚。難得出門倒不如吃過豐富的晚餐。場內的位置寬敞又舒適而且帶有香港特色的風格。上海菜又點少得水滾茶靚,消滯每位 $8/位。四喜烤麩 $56每次最喜愛的前菜莫過於「四喜烤麩」,烤麩經過醃製過相當濃郁而且份量其多,滿有口感不俗。炭燒燻魚 $62曾經在另一上海菜館吃過炭燒燻魚念念不忘,今次又一想念這款菜式。炭燒燻魚經過炭燒香口,燻魚甜甜的味道相當開胃。小籠包 $48上海菜又點少得小籠包出現,一籠蒸籠即叫即製,新鮮度十足。小籠包 一客四粒,皮薄餡靚肉汁滲出,滋味十足。灌湯牛肉餡餅 (2隻)$36餡餅最重要的元素就是內裡的湯汁,輕輕咬一口外層脆皮,灌湯牛肉味濃郁並提鮮,整體上都是不錯。黃金蝦球 $138上海菜估不到會有黃金蝦球的出現,咸蛋黄醬又邪惡真的什能夠抗拒呢?蝦球大大粒帶有彈牙又爽口,配上白飯一流。蟲草花翡翠苖 $78翡翠苖 配上蟲草花,清淡而不油膩,也是健康之選。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-22
477 瀏覽
最近返工都係食外賣多,由於太耐冇出去食好嘢,晏晝決定犒賞想自己食個豐富嘅套餐🍱。佢啲set全部都好吸引,而且仲配有合時保健湯水同餐前小點心,豐富到飽不得了,食完真係可以為返足一日工而好好打氣💪🏻.除咗個午市套餐,仲打包左啲點心返去同屋企人食。.📍蒜片黑椒安格斯牛粒撈麵安格斯牛粒份量唔少,食落有牛香之餘肉質軟腍,咬開中間肉汁豐盈🐂,加埋蒜片食落更加香口惹味,送飯一流👍🏻。套餐除咗可以選擇白飯🍚仲可以揀蔥油撈麵,另外配有春卷同紅油抄手做點心。食完真喺飽到上心口😆。你以為完啦?其實仲有一碗參鬚燉瘦肉湯,蔘味好香之餘仲有好多瘦肉,真係超足料!.湯同點心每個月都會轉一次,咁多個set真係可以試多幾餐😜🙌.📍灌湯牛肉餡餅($36)餐廳的主打小食,體積比想像中小,可能由於外賣關係,稍微有點收汁,但咬開餡餅仍不會太乾🥙,在其他餐廳比較少見這款點心。📍招牌小籠包($48)小籠包外皮透薄,中間包着飽滿肉餡,湯汁濃郁鮮味,絕對是高質之作❤️。📍紅油抄手($56)粒粒飽滿,抄手皮滑溜。帶辣的紅油令味道更加刺激🌶,不錯吃。📍糖醋咕嚕肉($82)咕嚕肉肉質爽口彈牙🐖,配上酸甜咕嚕汁十分開胃,唯獨份量較少,以這個價錢而言性價比較低。.📍生煎鍋貼($48)一客三件,外皮香脆,中間肉餡飽滿,不錯。.📍滬點春卷($48)有三大件,外皮炸得脆,中間包着蝦膠🦐,餡料同樣飽滿,味道不錯,但頗為飽肚。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-11
548 瀏覽
每天都盡可能居家抗疫,但是每餐都幾乎要勞煩母親大人三餸一湯,相信就算是烹飪高手,每天要煮出不同花款的菜色,都相當頭痕。 所以決定是日午餐帶媽媽來到這間新開不久的滬菜館, 品嚐媽媽最喜歡的松子魚。餐廳裝修有別於一般中菜館,同樣用上紅黑灰三色配搭,配上了LED光管製作而成的上海點心燈飾,包括:小籠包、餃子、上海湯麵及茶煲,牆身襯有懷舊復古的灰色瓦磚,新舊交融,時尚前衞。進餐廳時店員會主動幫每位客人量度體溫,門口位置還設有自助式搓手機及每位客人座位上均附送一個的口罩套,非常貼心。餐牌圖文並茂,讓人一目了然。松子魚($168)松子魚也是這店的推介,街外平時閒閒地一條松子魚都3,4百蚊落樓, 依家$168就有全條松子魚,認真抵食。成條魚還炸得粉身碎骨,連骨都可以食埋落肚;相反魚肉非常厚身,肉質嫩滑且同脆卜卜嘅魚皮形成強烈的口感對比,加埋酸咪咪的咕嚕汁,送飯一流。 美中不足的是炸皮較為厚身,未能突出魚肉的後未能明顯突出魚肉的厚肉質感,此一的確有待改善。招牌小籠包($48)夾起小籠包,雖然未至於清晰看到皮薄盪漾,但在燈光照射落下仍然隱約看到湯包裡的盪樣,還有包表上清晰的摺接,對比起其他小籠包的名店,它的表現也不遜色。一咬而下,湯汁隨口飛濺,豬肉餡細嫩無渣,湯汁味道鮮甜,醮點醋汁伴吃,更是惹味。灌湯牛肉餡餅($36)眼看見四周圍的客人都有點這款牛肉餡餅,橫掂一碟只有兩件,就剛好與母親共同分享。牛肉餡兩邊煎得金黃焦香均勻,一口咬下去,湯汁 猶如剛才的小籠包,香濃的牛肉汁傾巢而出,味道較豬肉餡的小籠包更濃更香。至於外層用上酥皮制作,雖然沒有一層層千絲酥般酥餅的口感,但亦帶出油香軟綿的口感。雞絲粉皮 ($80)每次和媽媽吃上海菜都必定會點的雞絲粉皮,粉皮充滿QQ的滑彈,加上麻醬質地滑溜細膩,濃稠度適中,成個口都充滿麻醬的味道。******************************滬點灣仔軒尼詩道385-391號軒寧大廈地下1-2號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-25
683 瀏覽
陳醋水晶肴肉  $56 這是一道上海出名的名菜,不可不知,係豬蹄餚成的菜式,光滑晶瑩,鹵凍透明,猶如水晶,肥而不膩,上層係香甜帶微酸的陳醋,上下一起食,雙重口感,風味更佳。 招牌小籠包  $48 嚟食上海嘢,點可收唔食小籠包,一籠四隻,每隻都好薄皮,但夾起嚟都唔會容易穿,一唉9落口,啲湯滲入口中,其湯汁味道鮮甜,肉質細嫩,實屬尚品。砂鍋餛飩雞  $128 我們很喜歡這味道,因為除左有湯飲,有餛飩食,仲有蔬菜同雞。個湯甜到你估唔到,十分香濃,充滿著靚雞的精華,而餛飩嘅皮被濃湯啲味充斥住,同埋餛飩料好入味,嗰種美味好少喺廣東菜食到,加埋啲雞肉,十分匹配。 蔥爆牛肉  $88 係用大量新鮮嘅京蔥爆香啲牛肉,偏濃味嘅一道餸,聽講京蔥中含嘅京蒜素,可提升免疫力,呢個時間食,最適合不過啦!牛肉片厚薄適中,嫩口同有頭,但一啲都唔靱呢! 杏汁高力  $52大家要留意,雖然係晚市,又唔係飲茶,但呢間食店係要收茶錢的。 繼續閱讀
(以上食評乃用戶個人意見 , 並不代表OpenRice之觀點。)