金記冰室 (黃大仙中心南館) (已結業)

黃大仙廟因疫情關閉後，今日重開，阿媽急不及待要去上香祈福，我咁啱放假陪她走一轉，之後去黃大仙中心食D嘢，阿媽見到間金記冰室，設計好有懷舊風情。本想入去堂食，比佢見到外賣有折就改變主意，叫我買回家食。馬來炒貴刁好夠穫氣，用火腿、蝦仁、蛋、芽菜、洋蔥等加入河粉炒，並用咖喱調味，又香又足料，十分惹味。鮮茄濃汁焗豬扒飯，濃香茄汁配搭鬆軟的豬扒是冰室的皇牌菜色，超大塊豬扒先炸過一次才放在飯面上焗，濃郁的醬汁沾滿了整塊豬扒，豬扒厚薄適中，肉質細嫩，香口又惹味！金記炸雞髀，我的最愛，即叫即炸，雖然是拎回家凍了一點， 皮還有脆口感，肉質香口。