米線皇后 (已結業)

果日係法國醫院睇完醫生, 諗住食D 清清地的食物,係openrice search, 就搵到呢間叫米線皇后的小店, 諗住食下米線, 唔好成日食泰國野gam heavy。湯底有5款湯可以揀, 唔辣有清湯, 有酸辣麻辣, 又有蕃茄湯底等等, 幾多可以選擇。「皇后12宮女」過橋米線有12種食送, 有魚蛋豬潤生菜肉燥豆卜、香煎餃子、芥末秋葵、冬菇、麻辣豬肚絲、香麻拍青瓜、鮮蝦水餃同豬軟骨,比出面連鎖的米線店更多選擇同心思。我地呢碗叫左清湯, 無咩味精, 唔會太咸, 不錯。蕃茄湯竹笙牛肉米線另外一碗米線叫左蕃茄湯竹笙牛肉, 蕃茄湯都濃味, 唔會剩係得隻色, 鮮牛肉滑溜, 而且每碗入面都已經有韮菜、豆芽、木耳同蓮耦片, 食下食下其實都幾大碗~~另外又叫左兩個小食,口水雞 雞肉夠滑, 唔會好鞋, 食落有「麻」及「辣」, 辣味夠惹味, 非常過癮。老薑豬軟骨 26個人認為呢個係一定要食, d豬軟骨有入口即溶的感覺, 豬肉非常軟嫩。另外飲品我地叫左水果茶, 12蚊皇后價勁大杯, 有菠蘿、西瓜藍莓檸檬等等, 茶味濃得黎又唔會太甜, 非常解渴~~