影片
更多
2022-05-02
261 瀏覽
嘉多娜係布丁包嘅始祖相信都為人熟悉，嘉多娜前身係嘉多利只係全線店舖改咗名。❣️排隊心得分享❣️〈油麻地分店〉即使日日都要大排長龍都無阻香港人排隊精神，油麻地分店4:30出爐開售但起碼要一個鐘前去排隊，我3:30去到嘅時候前面都已經有20人，所以想食嘅話真係要有心早啲去排隊！其實店舖日日條龍咁樣真係唔得掂尤其夏天就嚟到又勁熱勁猛太陽😓希望有一日會有派籌行動…〈佐敦分店〉反而排隊情況冇咁誇張，佐敦分店係1:00開售，我剛剛好1:00去到前面都只係得五六個人，後尾逐漸好多人要排長龍，但同油麻地分店比較下佢唔使預先一早排隊。😓但佐敦分店嘅布丁包係冇咁好食❗️唔知係嗰日質素定點啦，中間布丁太流質狀，唔夠凝固，一咬就好似醬汁咁瀉晒；但油麻地總店嘅布丁係固體狀明顯好啲！👓京都抹茶紅豆麻糬布甸包 $23近期推出嘅款式，係油麻地分店限定提供！布甸係抹茶味，真係有抹茶嗰種甘香味唔會剩係得甜味，以呢個價錢來講絕對收貨掂！布甸太滑，入口瞬間其實有少少似抹茶忌廉感覺，而餡料中間亦有一舊麻糬相當軟糯，添加左層次口感！面頭放上都幾多紅豆粒，唔肯定係咩產地紅豆不過煮得好淋又夠甜味幾好，紅豆配抹茶係最好嘅配搭。整體來講其實真
❣️排隊心得分享❣️
〈油麻地分店〉即使日日都要大排長龍都無阻香港人排隊精神，油麻地分店4:30出爐開售但起碼要一個鐘前去排隊，我3:30去到嘅時候前面都已經有20人，所以想食嘅話真係要有心早啲去排隊！其實店舖日日條龍咁樣真係唔得掂尤其夏天就嚟到又勁熱勁猛太陽😓希望有一日會有派籌行動…
〈佐敦分店〉反而排隊情況冇咁誇張，佐敦分店係1:00開售，我剛剛好1:00去到前面都只係得五六個人，後尾逐漸好多人要排長龍，但同油麻地分店比較下佢唔使預先一早排隊。😓但佐敦分店嘅布丁包係冇咁好食❗️唔知係嗰日質素定點啦，中間布丁太流質狀，唔夠凝固，一咬就好似醬汁咁瀉晒；但油麻地總店嘅布丁係固體狀明顯好啲！
👓京都抹茶紅豆麻糬布甸包 $23近期推出嘅款式，係油麻地分店限定提供！布甸係抹茶味，真係有抹茶嗰種甘香味唔會剩係得甜味，以呢個價錢來講絕對收貨掂！布甸太滑，入口瞬間其實有少少似抹茶忌廉感覺，而餡料中間亦有一舊麻糬相當軟糯，添加左層次口感！面頭放上都幾多紅豆粒，唔肯定係咩產地紅豆不過煮得好淋又夠甜味幾好，紅豆配抹茶係最好嘅配搭。
整體來講其實真係幾好食，稱得上係甜點，而且價錢算經濟配上呢個質素，可惜買呢個包除咗俾錢之外仲要用上時間排隊，所以試過就算唔會再想下次特登嘥時間排隊買😂
評分：8.5/10
👓法式布甸包 $15果然係布甸包始祖，暫時食過咁多間中質素最好。布甸滑嘟嘟而且餡料飽滿係滿滿的布甸，出面個法包香脆，質地又唔會太韌咬唔開，個包唔會太厚令到入面嘅布甸少咗。
評分：8/10
———
🍮布丁包 排行榜🍮
1.嘉多娜餅屋
2.紅豆烘焙
3.揉然地
4.The One Bakery
張貼
