INN - I’m Not Nothing

營業中

休息中

荔枝角一向出名多工廈美食，有時都唔知揀邊間好西食。Picky的我今晚想再食in I am nothing~ 荔枝角分店嘅位置其實都易搵，喺Dd2 place對面嘅億利工業大廈（同程班長同一棟）。一入到去好似去咗歐美宮殿咁，雖然地方冇九龍灣分店咁大，不過啲燈飾、植物同埋枱與枱間保留咗適當距離，感覺都係幾舒服嘅。i n n嘅壁畫同menu都係惡搞版嘅公主、王子、野獸。插畫幾Fun丫！今晚叫咗：芝士焗波士頓龍蝦配露筍龍蝦汁意大利飯($178)risotto一上碟已經有好香濃嘅芝士味。龍蝦醬汁配阿根廷紅椒同露筍，令到每啖飯索曬香甜嘅醬汁。意大利飯有咬口，龍蝦size大概同一隻手掌差唔多。算不得上好大隻，不過芝士烤焗咗之後，超級香濃。配埋爽滑彈牙既龍蝦肉，仲有龍蝦膏添～十分滋味，好想食多幾隻呀。芝士煙肉焗大啡菇伴澳洲草飼肉眼扒8安士 ($208)肉眼扒上碟覺得好豐富呀。下邊有薯條墊底，薯條都夠香脆，配埋蒜蓉汁，仲正。薯條本身調味比較重，有少許咸。大啡菇加芝士煙肉，再拎去焗就實冇得輸啦。芝士仲食到有cream cheese味道，嘩超級肥 ＸＤ 但係令到好食到再爆燈！肉眼扒ok，外層焦脆，有牛肉味。