下町天丼 秋光 (已結業)

Book左枱，唔駛等就有位，兩個女仔叫左Chef's special Tendon可以share食，再試下D小食。天丼材料豐富，有旬之食材昆布魚子、鰻魚、炸小蝦帶子白魚野菜餅、蝦和野菜南瓜。雖然有D貴，但係真心覺得好美味！昆布魚子好得意，有驚喜！其他炸物都好新鮮，蝦size都幾大隻。飯底同個醬汁夾埋食，真係一流！呢個魷魚明太子天麩羅都好正，用chewy嘅鱿魚包住滿滿的明太子炸，真係巨匠巧心。見到脆炸海鰻魚骨好artistic咁捲起上枱，別出心思。估唔到連骨都唔放過，魚骨炸得好鬆脆，配上醬汁好惹味。精緻的彩色玻璃杯盛載美丈夫柚子酒，實在係賞心悦目，酒精濃度唔高，好rich柚子味，好適合女仔飲。