老百姓火鍋刺身 (已結業)

去深水埗購物完，再同朋友打邊爐。朋友介紹呢間新開的火鍋店：老百姓．火鍋．刺身。地方好大好闊落，牆上有霓虹字句，好新潮！火鍋湯底同配料都有不少選擇，好耐無大快朵頤！所以我地叫咗好多食材～～美國頂級肥牛、一口牛立方、黃喉、招牌水餃皇、羊肉片等等～湯底可以雙拼，而我地呢幾個「百姓」就選擇咗單鍋，蕃茄薯仔湯。湯底好香蕃茄味，愈煲愈出味道，好正！黃喉口感爽脆。牛立方烚到剛熟軟腍，入口融化。羊肉片膻香又軟嫩。