成都老碼頭火鍋 (已結業)

今晚又嚟到老碼頭食火鍋。嚟咗幾次大部份時間都係坐樓下，今晚可以"樓上雅座" 一下。經店員提醒先知樓上都有醬料枱，等我仲走咗去樓下今日決定試吓新嘢，點咗風味胡椒豬桶骨湯底。呢個湯底除咗有好多好林嘅豬骨之外，仲有好多萵苣，白蘿蔔同紅蘿蔔。認真抵食。牛肉類點咗牛小排同牛胸爽。牛胸爽係必點的，因為唔係度度有。另外比較特色嘅嘢食，有手打芝士墨魚丸，鴨血，蛋餃。之前係另一間食過蛋餃，都係呢間好味啲。呢度響鈴係即炸，看似普通卻充滿誠意，放耐咗都唔會唔好食。最後想推薦大家飲桂花酸梅汁。呢度係一瓶瓶，相比好多火鍋店一壺嗰啲，梅味比較濃之餘又唔會甜。