將神車仔麵 (已結業)

平時好少去開柯士甸站今次咁啱去開嗰頭 先有機會explore下嗰頭有咩食！由於時間比較倉卒 所以決定揀間快靚正嘅餐廳😌車仔麵就係不二之選🍜有別於傳統車仔麵檔比人「up dup」同「嗱喳」嘅形象呢間將神車仔麵嘅裝修都好企理 燈光又夠晒光猛 枱櫈間都唔算狹窄 坐得相當舒服👍🏻點餐方面保留車仔麵原有「剔紙仔」嘅方式📝幾鐘意佢紙仔上有啲已經幫你配撘好晒嘅招牌套餐set 啱晒啲有選擺困難嘅朋友～不過識揀緊係揀自由配撘啦😝DIY想叫幾多配餸都得 一次過就可以滿足晒所有願望🙈油麵（跟腩汁） $12 + 甜心蘿蔔 $10 + 紅腸 $10 + 滷水糖心蛋 $10 + 墨魚腐皮卷 $12 + 爽口金錢肚 $14粗麵（跟清湯）$12 + 甜心蘿蔔 $10 + 生菜$10 + 滷水糖心蛋 $10 + 秘製牛筋 $14涼拌青瓜 $16無糖可樂（跟餐）+$6車仔麵嘅份量都足秤 唔會因為叫得越多餸啲配料就越少😉我同朋友都一致認為甜心蘿蔔係MVP！白蘿蔔本身就係食車仔麵必叫（有冇人認同？😆）同佢個名一模一樣 個白蘿蔔超級甜 仲要冇渣 超有驚喜😋另外佢個糖心蛋都做到半熟蛋黃嘅精髓 好正🥚本身想叫玻璃辣魷魚 但已經賣晒