影片
更多
2020-12-22
256 瀏覽
一直都好想試下石燒牛扒半放題店♨️，早幾日見到公司附近新開左間，happy Friday就即刻去試下🤣.由於店外有唔少單張同banner大大隻字寫住全日外賣55蚊起，新開張無耐已經吸引到唔少附近既上班一族黎買外賣🥡雖然之前未去過其他同類型既牛扒店，相信落單同用餐方式應該都係大同小異🤨 當日先係店外排隊👫👭，店員會協助係自動販賣機度落單，以現鈔💵/支付寶📱俾完錢之後店員就會安排入座🪑.牛扒店內既牆壁有唔少日本掛畫作裝飾，燈槽位放左一排日本食店既banner旗仔🚩，下面仲有8隻達摩不倒翁，設計都幾日本風🇯🇵本身呢度既座位🪑其實都有唔少，不過受限聚令既入座率限制🚫可以坐既座位就唔多，1點零鐘就已經滿座🈵，要黎幫襯既話就真係要趁早🏃🏻♀️🏃🏻.每檯餐桌上都擺放左BBQ香草🌿/粉紅岩鹽/黑胡椒3款調味料🧂，自助區就有1️⃣白飯🍚、2️⃣日式牛肉湯🥣、3️⃣椰菜沙律🥗、4️⃣燒肉汁/辛味燒汁/蒜蓉3款燒肉調味同5️⃣檸檬水🍋可以任裝任取，另外紙巾、餐具🍴🥢同圍裙都係自助區度自取💁🏻♀️呢種牛扒店最大既賣點係白飯、湯同沙律可以係90分鐘內吃到飽♾️，CP值絕對係非常高，岩晒大胃王們🤰🏻缺點就係呢間分店既通風系統做得比較差，
一直都好想試下石燒牛扒半放題店♨️，早幾日見到公司附近新開左間，happy Friday就即刻去試下🤣
.由於店外有唔少單張同banner大大隻字寫住全日外賣55蚊起，新開張無耐已經吸引到唔少附近既上班一族黎買外賣🥡
雖然之前未去過其他同類型既牛扒店，相信落單同用餐方式應該都係大同小異🤨 當日先係店外排隊👫👭，店員會協助係自動販賣機度落單，以現鈔💵/支付寶📱俾完錢之後店員就會安排入座🪑
.
牛扒店內既牆壁有唔少日本掛畫作裝飾，燈槽位放左一排日本食店既banner旗仔🚩，下面仲有8隻達摩不倒翁，設計都幾日本風🇯🇵
本身呢度既座位🪑其實都有唔少，不過受限聚令既入座率限制🚫可以坐既座位就唔多，1點零鐘就已經滿座🈵，要黎幫襯既話就真係要趁早🏃🏻♀️🏃🏻
.
每檯餐桌上都擺放左BBQ香草🌿/粉紅岩鹽/黑胡椒3款調味料🧂，自助區就有1️⃣白飯🍚、2️⃣日式牛肉湯🥣、3️⃣椰菜沙律🥗、4️⃣燒肉汁/辛味燒汁/蒜蓉3款燒肉調味同5️⃣檸檬水🍋可以任裝任取，另外紙巾、餐具🍴🥢同圍裙都係自助區度自取💁🏻♀️
呢種牛扒店最大既賣點係白飯、湯同沙律可以係90分鐘內吃到飽♾️，CP值絕對係非常高，岩晒大胃王們🤰🏻
缺點就係呢間分店既通風系統做得比較差，食到後期我同同事覺得好攻眼👁，食完呢餐之後全身都沾有油煙味，就連口罩😷都難逃一劫，呢點就真係極度有必要去改善🥴
******************************
🥢椰菜沙律🥗
平時正餐外食既話想食多條菜🥬都真係唔容易，而呢度既椰菜沙律可以任食就最好不過🤩
由於店員會一直補給，椰菜絲都算係好新鮮✨，加上全部被切成🔪幼絲食用時就更容易🤗
調味醬汁有胡麻沙律汁同柚子沙律汁，當日懶健康地選擇左後者，個人認為味道偏咸，柚子味就無乜，下次一定會揀返胡麻醬🤣
-
🥢白飯🍚
當日食到既口感係偏濕同有d爛，並非粒粒分明，相信要食到靚飯都要講運氣🤭
飯煲隔離有芝麻紫菜粉可以加，不過就唔太覺得有味道🙈
-
🥢日式牛肉湯🥣
個人最欣賞既係呢個牛肉湯，入面有紅蘿蔔🥕、大根、洋蔥🧅同唔少牛筋🐮，十分足料👍🏻
味道飲落似羅宋湯咁，牛肉香味突出，牛筋位亦熬煮得頗為腍滑，個人認為比主角牛肩扒更加出色，忍唔住encore左兩碗🤣
-
✨牛肩扒180g🥩 ($80)
呢度既牛扒有牛肩、肉眼、西冷、牛柳同日本和牛多款選擇，每款基本有兩至三個重量可以揀，第一次食就小試牛刀揀左個平平地既牛肩扒黎試，分為180g 80蚊 / 300g 120蚊 / 360g 150蚊3個價位💁🏻♀️ 店員端上牛扒時會用張廚房紙蓋住，夠晒衛生👍🏻
每塊牛扒本身只有一成熟☝🏻，客人可以依據返自己喜好係熱石上烤至合適既熟成度♨️，只係係石板上切🔪既過程中會不斷彈油💦，提返大家真係要格外留神‼️
呢款牛肩扒既特色係中間係有條筋，油脂唔算多而且分佈平均，就算烤至8成熟肉質依然保持到嫩滑，只係食到某d筋位就會韌左少少🤏🏻 加上本身我對於牛肉既油脂味有一定既愛好，而呢款牛肩扒就唔太對到我既口味，同埋佢既牛肉味亦唔太突出，每一舊要蘸點牛肉燒汁先夠濃味送飯食😣
下次會試下其他款牛扒，有機會會再介紹過😝******************************👧🏻人均消費：$80
😋味道指數：3.5/5
💰抵食指數：4/5
🪑環境指數：3/5
💁🏻♀️服務指數：3.5/5
👍🏻再訪指數：4/5
-
📍牛極
地址：灣仔皇后大道東238-240號地舖
⏰營業時間：不詳❓
(📍銅鑼灣、佐敦、旺角、油麻地、大角咀、深水埗、荃灣、元朗亦有分店，營業時間有所不同)
張貼
