蟹點

營業中

休息中

對於一個九龍人黎講，鴨脷洲的確係一個幾遠嘅地方，但係黎過呢間餐廳食之後，我覺得自己有多個原因過黎呢邊。入到餐廳就好似去左漁港咁，店內裝潢好有海洋風格，好多船嘅元素係度。佢餐牌有好多種，有潮州菜，泰國菜同埋粵菜。首先我地緊係叫左主角招牌白胡椒蟹啦，鐵板上嘅蟹真係第一次見，店員淋上醬汁，吱吱作響，好治癒亦都好期待好想食。先講蟹夾，真係有半隻手掌咁大，啖啖肉，而且吸收左白胡椒味。椒鹽豆腐都係唔錯，皮脆內軟，整得好香口。潮州菜我地揀左一碟鵝片，配埋滷汁一齊食，真係好夾，而且鵝肉仲係好濕潤唔會乾柴。椒鹽九肚魚嘅炸粉係恰到好處，配埋啤酒飲，簡直係一絕。大澳蝦醬蝦真係好，炸得好入味。醉貓炒河係勁有東南亞風味。呢間餐廳嘅氣氛好好，店員又唔會漏野同準時覆野。