Thai Deer Factory (The Wave)

營業中

休息中

觀塘The Wave餐廳臨立，但擠擁程度同駱駝漆爭好遠，餐廳價位高啲，但環境舒適好多，今次食呢間泰式餐廳佈置以露營為主題，就算未有在帳篷內用餐，影相做背景都幾IG-able。二人餐 $498① 脆脆黃金蝦餅•黑松露醬② 沙嗲雞肉、豬肉③ 軟殼蟹•蟹肉白咖哩意粉④ 煙燻西班牙黑毛豬鞍⑤ 椰子奶凍•椰子雪糕食物上得幾快，平時我都慣左相機食先，影完一碟另一碟又上，影下影下影到上齊晒主菜…到我食既時候，最先上的蝦餅依然夠熱，外脆內彈牙，平時點開泰式辣醬，呢次點松露醬好香，又幾夾。兩串沙爹點沙爹醬都好味，雞肉幾嫰。炸軟殼蟹香脆，意粉唔會太多汁但都夠Creamy，白咖喱夠香濃，正！仲有洋蔥，小蕃茄，蟹肉等，好食！打開木盒仲有煙飄出黎，豬鞍幾厚身，但切開同入口都感受到唔係又乾又柴果種，不過個燒汁我就麻麻地，點個串燒沙爹汁仲開心。雪糕底下仲有個窩夫杯，椰子味好清新，奶凍夠凍夠滑。飲品本身包茶啡或啤酒，或者半價配特飲。⑥ 斑蘭泰式奶茶 $21 好似一座綠色富士山，淡淡的斑蘭味幾特別，仲比平時的泰式奶無咁甜。⑦ 荔枝嘉年華花茶 $24 未飲都聞到荔枝茶香，我朋友話解膩而且中和泰菜的重口味，好養生。