回到味來 (已結業)

本身我幾鐘意食雞煲, 呢日同朋友出旺角買完嘢就上openrice搵附近邊度有雞煲食, 就發現到呢間新開 專食火鍋雞煲嘅回到味來, 個名又幾特別, 我同朋友都覺得老闆諗到「 回到味來」呢個名幾有創意 又易記!上到去果陣時未正式到晚飯時間,所以唔太多人, 環境唔錯 地方夠大 , 畢竟唔係任食場, 所以坐得舒服唔會逼：）一坐低 職員好快送上熱茶有唔少散叫火鍋雞煲店都要出去拎醬料, 呢間好細心每枱都有醬料,用完侍應就會收返,話有需要可以再問佢拎返我最愛嘅蒜蓉同炸蒜：P花多眼亂,連海鮮都有勁多款!! 好可惜得兩個人試唔到太多款我地叫咗黃燜雞煲（半隻雞), 食開雞煲嘅我一睇就知佢地雞件比得好足. 平時係出邊食開一人食幾件已經無哂, 呢煲得半隻 但食極都仲有雞件件都係滑 一啲都唔鞋!! 而且啲雞有雞味（出邊有好多都完全食唔出有雞味,只靠調味料）超好食 呢個黃燜雞煲令我喜出望外!!!!安格斯頂級肥牛（*極度推薦*）好好味, 下次兩個人食都要叫碟大嘅 手工餃拼盤, 兩款都皮薄 啱哂我呢啲唔like厚皮嘅人, 我比較鐘意食韭菜餃手打蝦滑連菜都咁好心機 用鴨仔藤籃放好可愛白蘿蔔好甜, 師父切得夠薄 方便淥易