影片
更多
2022-01-09
79 瀏覽
難得今日星期日放假，下午時候同女朋友出咗去兆萬食放題。兆萬中心曾經係好多人嘅回憶，記得喺讀書嘅時候呢個商場已經充滿好多唔同嘅日式放題食肆，每逢週末都會和朋友仔或同學過來食放題，感覺很親切。今次我哋食嘅呢間叫做~極上帝王水產放題，店舖裝飾非常日本風，有如身處日本之中。首先，食放題梗係要食刺身盤，我哋叫咗三文魚，北寄貝，泰式生蝦，象拔蚌，珍寶赤蝦，帶子，玉子，蟹柳，刺身非常之新鮮，配上美麗的刺身盤，令人食慾大增。另外每一台客人會送一個火鍋，我哋就叫咗鱈場松葉蟹海鮮鍋，海鮮鍋非常之豐富，配料十足。另外叫咗牛丸，響鈴，娃娃菜在火鍋配料，係食放題之餘，亦都可以佢寒冷嘅天氣下食到打邊爐。之後更加叫咗好多唔同嘅小食，炸物，有芝士年糕，炸鮮奶，天婦羅，小番薯，仲叫咗個櫻花蝦通菜。芝士年糕非常鬆軟，外皮脆卜卜，口感一流。最後梗係試吓餐廳嘅甜品，有多款小小嘅甜品杯，雪條，雪米糍每款都各有特色，另外餐廳亦都有提供各式各樣嘅飲品，有茶，汽水，無糖茶等等，但建議大家都係唔好飲咁多汽水，唔係就會好容易飽啦，要留肚食餐廳嘅美食！最後，有冇聽過6小時嘅放題只係二百幾蚊，疫市之下都做爛市！！！！老人家都只係179蚊咋！
難得今日星期日放假，下午時候同女朋友出咗去兆萬食放題。兆萬中心曾經係好多人嘅回憶，記得喺讀書嘅時候呢個商場已經充滿好多唔同嘅日式放題食肆，每逢週末都會和朋友仔或同學過來食放題，感覺很親切。今次我哋食嘅呢間叫做~極上帝王水產放題，店舖裝飾非常日本風，有如身處日本之中。
首先，食放題梗係要食刺身盤，我哋叫咗三文魚，北寄貝，泰式生蝦，象拔蚌，珍寶赤蝦，帶子，玉子，蟹柳，刺身非常之新鮮，配上美麗的刺身盤，令人食慾大增。
另外每一台客人會送一個火鍋，我哋就叫咗鱈場松葉蟹海鮮鍋，海鮮鍋非常之豐富，配料十足。另外叫咗牛丸，響鈴，娃娃菜在火鍋配料，係食放題之餘，亦都可以佢寒冷嘅天氣下食到打邊爐。
之後更加叫咗好多唔同嘅小食，炸物，有芝士年糕，炸鮮奶，天婦羅，小番薯，仲叫咗個櫻花蝦通菜。芝士年糕非常鬆軟，外皮脆卜卜，口感一流。
最後梗係試吓餐廳嘅甜品，有多款小小嘅甜品杯，雪條，雪米糍每款都各有特色，另外餐廳亦都有提供各式各樣嘅飲品，有茶，汽水，無糖茶等等，但建議大家都係唔好飲咁多汽水，唔係就會好容易飽啦，要留肚食餐廳嘅美食！
最後，有冇聽過6小時嘅放題只係二百幾蚊，疫市之下都做爛市！！！！老人家都只係179蚊咋！下一題餐廳嘅午市係可以食到黃昏6:00 ，唔趕時間嘅朋友可以食下坐下，慢慢傾吓計享受美好嘅下午時光。
張貼
