又大一歲啦，雖然今日回南天，濕濕哋咁，但都無阻我一個人去食日式放題既決心 😂
對我而言，刺身不過不失，其中赤蝦，赤貝最鮮味，而最估唔到既係冰鎮花海蜇刺身，有口感(其實即係平時食開既海蜇頭)
壽司方面，三文魚腩，油甘魚腩都唔錯，三文魚親子軍艦好食 😋 海膽手卷比較失望，除左海膽冇海膽味之外，最差既地方係塊紫菜淋左，咬落去個心真係好難受 😭
今次放題，最出色既非熟食系列莫屬，當中最好食既三樣分別係：鐵板京蔥燒汁牛柳粒，吉品鮑汁扣花膠鮑魚，燒紐西蘭香草羊鞍，都係必食之選。其他既熟食都好唔錯，例如：古早味和牛丸湯，醉酒鮑魚，金銀蒜粉絲蒸扇貝 😘 至於天婦羅就不太推薦
最後，甜品方面，朱古力蛋糕👍豆腐雪芭幾得意，一試無妨 😉
