鮨廷 (已結業)

前排有朋友推薦呢間鮨廷，話佢嘅用料好高質，於是就搵日同女友黎試下，平日我地唔想食太飽，所以就揀左十貫壽司嘅omakase sooshi黎試試，呢個價位如果加返少少前菜湯物應該會完整d更吸引，食材整體好高質，食得出好新鮮，其中：活北寄貝：口感好爽彈，好新鮮深海池魚：正常發揮帆立貝 +碳鹽、柚子調味：肉身好嫩滑，味道香甜，加埋調味令到層次豐富咗，比起淨刺身味道更出眾 剝皮魚配魚肝 +蔥碎：呢件宜家當造嘅魚，魚肉身好軟滑，魚肝好軟綿綿，加上蔥碎，口感好豐富，推👍🏻 銀鱈魚bb：成熟銀鱈魚一般肉質冇咁滑，多數會用黎做燒物，但呢件當造嘅bb就唔同，肉質好彈牙，加上炙燒過，好香口火灸拖羅 ：雖然係筋位，但師傳燒到d筋位變做魚油，勁香又仲係入口即溶👍🏻北海道海膽：宜家唔係海膽嘅季節，但呢件海膽好有水準！好creamy仲要好甜，份量唔少好正👍🏻