Lo Spazio (已結業)

香港作為一個美食天堂，有各式各樣嘅美食，要搵一間美國菜或者意大利菜一啲都唔難。但同時要食到呢兩款菜式，我又數唔到有幾間。而呢一次專程黎Lo Spazio 就一次過滿足曬兩個願望。Parma Ham with Melone呢道菜好開胃，擺盤亦好精緻，用鹹鹹地嘅Parma Ham 配好甜嘅哈密瓜，再加黑醋汁同蜜糖做點綴，好似成幅畫咁。Arancici 頭一次食到呢款意大利小食，用意大利飯同芝士炸成波嘅形狀，再配以特製嘅醬汁，食落有濃郁嘅芝士味同特別嘅口感，值得一試！Chicken Tender炸雞手指，炸得好香口，雞肉肉質一啲都唔嚡，配上沙津醬，感覺好清新。Seafood Risotto墨汁海鮮意大利飯，啲墨汁好黑好有光澤，飯粒粒粒分明，好似一粒粒黑珍珠咁，食落有咬口，軟中帶點煙韌。Risotto 當中亦有海鮮嘅鮮味。Grilled octopus 呢道燒魷魚用上一條好大條嘅魷魚鬚，用燒烤嘅方式帶出魷魚獨特嘅鮮味，配上外脆內軟嘅薯仔，令人回味無窮。Molten Cheese CakeCheese Cake 我就食得多，但炸都係第一次食，食落口感有啲似炸雪糕，有濃郁嘅芝士味，兩個人Share