大將 (已結業)

咁岩行過Popcorn商場，見到呢間新開嘅日式火鍋放題，望落光猛企理，而且都幾多人食，旁邊仲有一間專賣食材嘅超市。一入到去，見到唔少蔬菜同醬料選擇，款式都算多。我哋選擇左食澳洲和牛套餐，配上富士蘋果湯同埋味增湯底。其他配料例如丸類、蔬菜就可以出去自己選取，我就試咗牛丸、芥末魚丸等，味道都唔錯。另外啲小食都OK，例如呢個豬手同炸雞，冷盤嘅茄子同埋泡菜酸酸甜甜都好開胃。澳洲和牛肥瘦分明，入口幾香。整體來講食物質素唔錯，價錢合理！