丼瀛 (已結業)

每次黎廟街都係食煲仔飯，今次俾我見到間餐廳食丼飯!日式餐廳黎講算有趣，有母親節套餐; 丼飯種類有成二十種，選擇非常多👍餐廳都非常旺場，地方唔算大，但坐落都唔覺逼點好野食麵豉湯都送到，夠熱夠新鮮，平時飲開既麵豉湯都偏咸，呢度既淡口少少，唔錯。店員仲拎定盤俾我地，可以將丼飯既配料先夾起去食飯，服務非常貼心👍龍蝦刺身爆丼!! 賣相真係多到滿瀉咁，刺身既份量都好多!原隻龍蝦夠哂份量，仲隱約見到佢龍頭既蝦膏，超期待!下邊係海膽蒟蒻沾麵，本身日本料理都低熱量，再用上蒟蒻麵，更加高纖低熱量，非常健康醬汁有啲似芝士海膽汁，有落係海膽味但帶少少酸，唔算太濃太厚身，醬汁岩岩好可以粘哂係麵上，但個蒟蒻麵唔算彈牙。蝦拑我原隻拆左出黎😎😎💪啖啖蝦肉真係份量十足👍蝦身個舊唔洗拆，成舊放入口就得，超正!!蝦膏係最攞命，又多又大塊入口甘香，膽固醇一定超標🙈丼飯飯量一般，主要都係刺身好食，吞拿，三文魚，帶子必定有。仲有八爪魚，魷魚同澹心蛋。溏心蛋蛋味超香濃，另外最正係帶子，帶點咬口又鮮甜，其他正正常常。築地杯，五款飯，一份加州卷，一份三文魚刺身，份量十足!另一份三文魚比丼飯既好，肥啲多啲魚油香。加州卷唔錯，蟹棒同玉子既