更多
2022-07-24
30 瀏覽
經常坐隧巴過海都見到呢幢大廈有幾間食肆,今次嚟咗呢間火鍋店,裝修好有土耳其特色,無論燈飾、牆身、餐枱上擺設及器皿都有土耳其風味。招牌花膠雞湯鍋,花膠份量都幾多,厚身又大件,伙記叫滾湯後放少少花膠先飲湯,之後再放雞件,大約半隻三黃雞,因為雞已經熟,只需要滾2-3分鐘就可以食,雞肉滑又有雞味。牛肉:醉香花雕牛肉及骰仔牛肉粒,花雕牛肉有淡淡然酒香,脂肪紋理分佈平均,食落亦算嫩滑。骰仔牛肉粒脂肪感更強烈而牛肉味亦更濃。餃:蟹黃豚肉餃及鳳尾鮮蝦餃都各有特色,風尾鮮蝦餃放了一隻蝦再加肉碎,配搭幾新鮮。海鮮:脆肉鯇魚加上原隻南非鮑魚,脆肉鯇魚有魚片及腩位,腩位更多脂肪肉質亦更彈牙。南非鮑魚夠新鮮,滾大約5分鐘便可以。丸類:黑松露墨魚丸、黑松露墨魚滑、手打蟹子蝦滑及黃沙豬膶,黃沙豬膶薄切,食落冇咁鞋口。墨魚滑及蝦滑都真材實料,食落夠彈牙。
牛肉:醉香花雕牛肉及骰仔牛肉粒,花雕牛肉有淡淡然酒香,脂肪紋理分佈平均,食落亦算嫩滑。骰仔牛肉粒脂肪感更強烈而牛肉味亦更濃。
餃:蟹黃豚肉餃及鳳尾鮮蝦餃都各有特色,風尾鮮蝦餃放了一隻蝦再加肉碎,配搭幾新鮮。
丸類:黑松露墨魚丸、黑松露墨魚滑、手打蟹子蝦滑及黃沙豬膶,黃沙豬膶薄切,食落冇咁鞋口。墨魚滑及蝦滑都真材實料,食落夠彈牙。
張貼