影片
更多
2019-11-15
95 瀏覽
有睇過我以前啲食評就會知道我係蕃茄湯底愛好者😂 今次呢間我真係慕名而去，膜拜膜拜！餐牌呢度嘅湯底同以前食開的蕃茄湯底唔太同，佢既冇華嫂果種濃稠、稔糊偏酸的感覺，又唔似蕃滿門果種偏紅帶辣，亦同勝香園果種好多茄肉茄味極重唔一樣，蕃茄師兄呢種蕃茄味唔太重，顏色較淺，有啲似羅宋湯隻色，湯中帶有牛肉味，味道偏咸，酸味不突出，不過倒是在芸芸番茄湯底中顯出獨特之處。我就比較重口味，店舖每桌都附有辣油，我就偏愛加少少辣油，令成個湯底更加有層次感！我個人覺得滑蛋牛烏冬（$48）係必點！皆因佢又平又經已好好食！滑蛋係炒得幾好，半生熟咁，但冇想像中咁滑既，應該冇落奶黎整滑。而滑牛就係畫龍點睛的絕配啦，薄薄細細嫩滑的牛肉，每塊都可以浸滿番茄味，絕不鞋口，容易咀嚼，成個麵食起黎麵係滑滑溜溜咁，真是滋味！另外我好欣賞呢度配搭的烏冬係用上日本幼烏冬，不另收費，烏冬也是滑滑嫩嫩，爽口彈牙，掛湯一流。友人叫左呢個犇犇有禮，即係牛腩，我覺得牛腩較鞋口，不過友人最愛煙煙韌韌的感覺，牛味都重，也是不錯的選擇！但呢度的小菜小妹就不敢恭維啦。慢煮雞翼用的雞翼係好細仔，慢煮時間過長，搞到雞翼肉質鬆軟失去彈性，輕輕一咬都好似就快散架
有睇過我以前啲食評就會知道我係蕃茄湯底愛好者😂 今次呢間我真係慕名而去，膜拜膜拜！
餐牌
呢度嘅湯底同以前食開的蕃茄湯底唔太同，佢既冇華嫂果種濃稠、稔糊偏酸的感覺，又唔似蕃滿門果種偏紅帶辣，亦同勝香園果種好多茄肉茄味極重唔一樣，蕃茄師兄呢種蕃茄味唔太重，顏色較淺，有啲似羅宋湯隻色，湯中帶有牛肉味，味道偏咸，酸味不突出，不過倒是在芸芸番茄湯底中顯出獨特之處。
我就比較重口味，店舖每桌都附有辣油，我就偏愛加少少辣油，令成個湯底更加有層次感！
我個人覺得滑蛋牛烏冬（$48）係必點！皆因佢又平又經已好好食！滑蛋係炒得幾好，半生熟咁，但冇想像中咁滑既，應該冇落奶黎整滑。而滑牛就係畫龍點睛的絕配啦，薄薄細細嫩滑的牛肉，每塊都可以浸滿番茄味，絕不鞋口，容易咀嚼，成個麵食起黎麵係滑滑溜溜咁，真是滋味！
另外我好欣賞呢度配搭的烏冬係用上日本幼烏冬，不另收費，烏冬也是滑滑嫩嫩，爽口彈牙，掛湯一流。
友人叫左呢個犇犇有禮，即係牛腩，我覺得牛腩較鞋口，不過友人最愛煙煙韌韌的感覺，牛味都重，也是不錯的選擇！
但呢度的小菜小妹就不敢恭維啦。慢煮雞翼用的雞翼係好細仔，慢煮時間過長，搞到雞翼肉質鬆軟失去彈性，輕輕一咬都好似就快散架咁！有啲低質啦。
另外沙爹汁豬頸肉又係嘛嘛地，感覺就咁淋啲汁係烚熟的豬頸肉咁，冇咩特色。不過我都幾鐘意沙爹汁的調味，香而不辣。
最後一提飲品，滋潤嘅紅棗茶，強差人意，既不夠香，亦不夠濃稠，紅棗味淡，有得再揀我唔會揀呢杯野飲。
食咗咩：滑一滑番茄濃湯烏冬（$48）、犇犇有禮上海麵（$78）、慢煮瑞士汁雞翼兩隻（$14）、沙嗲汁豬頸肉（$28）、桂圓紅棗桑寄生茶（$16，跟餐價）
張貼
