番茄師兄 (已結業)

午餐想食得開胃啲，於是揀咗呢間主打番茄湯麵嘅餐廳。除咗出名嘅番茄湯，仲有魚湯湯底，都好好味。麵底自由選擇，有公仔面、米線、烏冬等，啱晒唔同人嘅口味。滑一滑點咗番茄湯底，牛肉分量足，肉質嫩滑。滑蛋亦好有誠意，至少有兩個雞蛋分量。番茄湯酸酸甜甜，有點像食緊番茄炒蛋。犇犇有禮加10蚊轉魚湯湯底，勁多牛，厚切，啱晒牛魔王，魚湯湯底有濃厚魚香鮮甜味，俾10分！麻香瑞士汁雞翼2隻$16，4隻$32，我們點咗4隻，但上台俾咗5隻，可能有1隻偏細，餐廳補多隻，感覺賺咗。雞翼其實唔錯，但麻香味唔夠，爭少少。台式雞皮卷味道唔錯，外面是脆香雞皮，內裡包着嫩滑的雞肉，唔點醬汁都非常可口。不過上枱時賣相有點奇怪，只有3粒，感覺好像被偷吃了1粒。😂另外優惠價點咗兩個飲品，冬瓜茶味道正常，甜度尚算適中，檸檬雪梨茶有點偏貴，亦略嫌太甜。