番茄師兄

營業中

休息中

店舖隱藏係後街, 但經過公園紅色顯眼招牌必定容易睇到🤩店內坐位寬闊, 裝修用左主題紅色🛑簡單時尚, 亦有一些霓虹燈字句做裝飾💡好有香港味道。Menu「自由配」好香港車仔麵感覺, 鍾意咩配料、麵底可以自己話事👍🏼配料揀左腐皮墨魚蝦條$48、麵底揀烏冬、追加煎雙熟蛋+$5、最後湯底揀招牌番茄湯。腐皮墨魚蝦條有3大條🦑🦐外面腐皮炸得香脆, 咬落墨魚同蝦既味道好出, 調味亦剛好唔會太咸。份量好大, 而且彈牙唔同軟淋淋。烏冬應該係急凍烏冬黎, 食落好煙靭🍜番茄湯底掛到係烏冬上面。追加左煎雙蛋係因為覺得好抵🍳而且可以轉熟蛋。最後招牌番茄湯係比較濃稠, 湯底有好香番茄味🍅同有少少香草味, 好似西湯咁好好飲。