影片
營業時間
今日營業
11:45 - 21:15
星期一至日
11:45 - 21:15
*截單時間 20:45
以上資料只供參考, 請與餐廳確認詳情
基本上每個禮拜都會嚟幾次，但近來轉的餐單實在太失望了，以往所有嘅選擇大部份都冇晒，仲要逼我哋食一隻唔好食嘅烏冬，以往有米粉同埋拉麵或者係公仔麵，就算以往可以加錢牛丸都冇埋，雞扒冇埋，牛腩冇埋，已經不是我們熟悉的蕃茄師兄了，而且新的菜單，那隻烏冬，硬得出奇，可以講係難食。同行人的芝士焗飯亦都冇埋，轉咗一啲古靈精怪嘅漢堡餐，其實呢一間餐廳咁樣轉呢個餐單法，佢嘅核心價值經已冇咗，佢嘅出色就係一個蕃茄湯底，而家轉到不倫不類，已經不是以往的蕃茄師兄，這樣的菜單，估計不會再去了。
繼續閱讀
一直係番茄師兄熟客，蕃茄湯烏冬係世一，最鐘意加炒蛋咁食。但今日去發覺轉左餐牌，由散叫變左做套餐。因為佢個蕃茄湯加炒蛋都好飽肚，之前單點一個烏冬就已經好飽，變左做套餐其實真心食唔晒。其實我都明轉套餐係想加價，我寧可你直接加價，好過逼我要埋唔想要既野。另外新餐牌少左好多餸菜，騸牯牛冇左，雞扒冇左，牛臉頰又冇左，其實而家個list真係唔係好好揀得落手，最後揀左雞胸，但出黎個樣好似人地即食雞胸咁，隔離枱都話似即食雞胸翻熱，同埋d香料就咁睇好似發霉咁，賣相真係唔得。一直都都好支持番茄師兄既理念同食物，希望老闆可以做番以前既水準
繼續閱讀
失望透頂🤥轉咗menu之後大失去原本嘅番茄特色好失望，轉左Menu之後得返蛋包飯同埋蕃茄烏冬可以揀。原本食蕃茄師兄最出名就係要食佢嘅蕃茄湯底+配搭唔同嘅餸+面底（米線/米粉/公仔麵等等）。而家如果想食蕃茄湯底，返烏冬或者椰菜花飯可以揀，個椰菜花飯好少同蕃茄湯底完全唔夾。真系唔明點解要轉menu, 一心係中環嚟到食lunch真係好失望💔轉左Menu之後價錢都貴咗一個餐要$96。 希望老闆可以出返之前個Menu等食客有多啲選擇🙏🏻🙏🏻
繼續閱讀
諗著食蕃茄麵，但原來蕃茄師兄依家冇番茄麵，食左個雞胸蛋包飯，雞胸幾好食，味道可以，但個汁同飯都唔熱，感覺好似預制菜。餐牌只有飯和烏冬（但今日中午1點烏冬都已沽清），沒有麵，覺得有點失望。
繼續閱讀
平時好多機會黎灣仔，原來係內街開左蕃茄師兄都唔知添。今日同個朋友黎食，睇下水準keep唔keep 到先。叫左個牛臉頰加滑蛋米粉，68再加5蚊，算係甘。牛臉頰有4大塊，食落非常腍，再加上少許牛根，口感一流。味道係比較清淡，主要食牛本身既肉味。但其實完全唔洗擔心唔夠味，因為湯底夠，加埋一齊吃剛剛好。滑蛋5蚊黎講好抵食，值得叫。最重要既係佢個湯底，非常濃郁既蕃茄味，質感比較厚實，似每一啖都吃緊蕃茄容甘樣，好正。另外都試左佢既豆漿，甜度唔高感覺好健康！整體黎講好好味，一定再黎。
繼續閱讀