中華小館

營業中

休息中

前晚男朋友約埋我屋企人一齊食飯，為咗配合屋企人嘅口味就揀咗灣仔呢間中華小館食下啲小菜！男朋友好鍾意食叉燒，但一款又唔夠，就索性叫咗個燒味雙拼！另一款就揀咗燒肉！呢度嘅叉燒同燒肉都就好好食，半肥瘦嘅叉燒唔乾，燒得啱啱好！而燒肉外皮都好香脆！屋企人好鍾意食海鮮，就叫咗呢個惹味小炒皇，真係鑊氣十足！有幾款唔同嘅海鮮，特別係鮮蝦真係好彈牙啊！仲有大家都好鍾意食嘅鳳凰展翅，其實係酥炸小黃魚嚟，幾個人就清晒成條魚！小黃魚酥炸完之後真係外脆內軟！脆卜卜！餐廳環境都幾舒服，店員都服務態度非常之良好，我哋一開始唔知食咩好佢哋仲會向我哋推介，價錢都幾合理。