Day and Nite by Master Kama (已結業)

平時真的好少寫，今次真係食到有種搵笨感覺，仲要對唔住帶來食的朋友。
首先，講講折扣問題，本身話6點半食有7折，去到獲告知龍蝦、套餐、飲品不包括在內，咁想問有咩可以包呢？咁以一間食龍蝦的專門店來說，算是取巧嗎？
其次，侍應真係好生手，坐低又無杯水，問又唔知推介咩好，態度係好，但好似淨係識落單。
點了一份pizza同意粉，打算試試再決定叫龍蝦餐，結果係普通快餐式質素的pizza同意粉，但埋單成三百幾。我諗好似隔離的顧客咁，叫龍蝦打打卡就覺得值得掛。