台灣美食 (已結業)

次次出親旺角想食台灣野，我就會去依間台灣店，仲記得我細個個時係附近返學，成日都黎依度買外賣返學校食，個陣時常都叫鹽酥雞球肉躁飯，因為大碗又平又好食隔左幾年後今日同朋友剛好黎左附近，我提議話去依度食回味一下，依舊叫左鹽酥雞球肉躁飯，相比起個個時食一樣咁大碗，鹽酥雞球大大件，炸得香口又香，另沾醬汁撈飯一齊食好正，個醬汁帶少許酸，都幾開胃，肉躁份量多，味道濃郁，我食到一半已經飽左叫左杯芋香珍珠，香芋味好香濃同飲落唔會好甜整體味道依然沒變，同細個食到既味道一樣，不過價錢就貴左好多，如果便宜返少少，我估我時常都會黎食既