一瀧 (已結業)

間唔中就要食好啲 首選一定係日本嘢🇯🇵今次揀咗評價好好 位於銅鑼灣嘅一瀧 之前見到人哋打卡 食物相當精緻 而且聽講仲有兩位福岡師傅坐鎮 所以早就bookmark咗🏷️呢度嘅位置相當方便 就喺時代廣場對面嘅金朝陽中心 一入到去見到個環境已經有啲心花怒放😍裝修仿江戶時代風格 又大又靚 好似真係去咗日本嘅餐廳咁 仲要係高級嗰隻 分咗幾個唔同嘅區域 有包廂/榻榻米座位/廚師發板吧枱位等等 為咗充分感受到日本嘅感覺 我揀咗坐榻榻米🥰▫️燒薩摩魚餅 簡單地點了一款輕食前菜 點知一啲都唔簡單😆燒得好香好好味 而且口感好煙韌 仲配咗我至愛嘅蛋黃醬可以點嚟食 好彩一份有兩大塊共6件 兩個人share都唔使爭🤪▪️刺身盛二人前 共有五款各兩件 全部都好新鮮🥹鰹魚好大片 其中一面連住炙燒過嘅魚皮 香味更突出🐟深海池魚肥美 充滿魚油香 牡丹蝦夠爽口🦐帆立貝加咗少少柚子提升鮮味 最正就係赤身 十分鮮嫩 而且面頭有啲金箔 顯得份外矜貴✨▫️秋刀魚壽司 秋刀魚絕對係秋天時令 味道濃郁鮮香🍣而且賣相超級靚 加咗楓葉同小菊做裝飾 帶起濃濃嘅秋日氣氛▪️雞全翼一夜干雞皮超級脆 尤其是雞中翼部份🤤咬落去仲有汁流出嚟▫️棉花糖A4宮崎和