影片
更多
2018-08-01
1352 瀏覽
又到左每月紀念日，又可以名正言順同男朋友慶祝食好野！今次揀咗喺尖沙咀食鐵板燒。店舖嘅環境唔算好大，九成位置都係圍住鐵板，可以近距離睇到廚師大顯身手，亦可以增加同廚師嘅溝通，而且亦都冇咁嘈，好適合我哋。我哋要咗個特選二人套餐，食物嘅種類同數量都非常豐富。首先有前菜杞子果仁沙律，山竽海膽，兩者選用嘅材料配搭都好特別，味道好清新。之後有芝士春卷，煙煙unun又香脆。之後到湯，一共有三款湯可以選擇，廚師會將你揀嘅湯放入水壺，然後放上鐵板燒熱，熱辣辣。我自己揀咗龍蝦湯，廚師加左煎香既新鮮嘅龍蝦肉，龍蝦味非常濃郁。之後正式進入鐵板海鮮部份，首先有日本岩蠔配櫻花蝦。巨型幾好笑員仍然好飽滿多汁，配合埋炸到非常香脆嘅櫻花蝦，鹹鹹香香，好夾好好味。之後有原隻南非鮑魚配紫菜柚子汁。燒過嘅鮑魚都完全唔乾，而且好淋，紫菜柚子汁嘅味道亦好特別，估唔到三樣野加埋又幾夾。再嚟有八爪魚酢物，用醋醃過嘅八爪魚加上青瓜同蕃茄粒，酸酸地，可以referesh下口腔。食完咁多海鮮，終於到我最愛嘅牛肉啦！日本A4和牛厚燒同牛舌心。和牛要咗五成熟，師傅完全冇overcook，表面微焦，中間仲係粉紅色，四個字講晒入口即溶，超正！牛舌
店舖嘅環境唔算好大，九成位置都係圍住鐵板，可以近距離睇到廚師大顯身手，亦可以增加同廚師嘅溝通，而且亦都冇咁嘈，好適合我哋。
我哋要咗個特選二人套餐，食物嘅種類同數量都非常豐富。
首先有前菜杞子果仁沙律，山竽海膽，兩者選用嘅材料配搭都好特別，味道好清新。
之後有芝士春卷，煙煙unun又香脆。
之後到湯，一共有三款湯可以選擇，廚師會將你揀嘅湯放入水壺，然後放上鐵板燒熱，熱辣辣。
我自己揀咗龍蝦湯，廚師加左煎香既新鮮嘅龍蝦肉，龍蝦味非常濃郁。
之後正式進入鐵板海鮮部份，首先有日本岩蠔配櫻花蝦。巨型幾好笑員仍然好飽滿多汁，配合埋炸到非常香脆嘅櫻花蝦，鹹鹹香香，好夾好好味。
之後有原隻南非鮑魚配紫菜柚子汁。
燒過嘅鮑魚都完全唔乾，而且好淋，紫菜柚子汁嘅味道亦好特別，估唔到三樣野加埋又幾夾。
再嚟有八爪魚酢物，用醋醃過嘅八爪魚加上青瓜同蕃茄粒，酸酸地，可以referesh下口腔。
食完咁多海鮮，終於到我最愛嘅牛肉啦！日本A4和牛厚燒同牛舌心。
和牛要咗五成熟，師傅完全冇overcook，表面微焦，中間仲係粉紅色，四個字講晒入口即溶，超正！
牛舌心係牛脷嘅中間部份，口感更加嫩滑，仲冇左平時既牛羶味。
食完油份重既肉類之後，係時候食返少少炒蔬菜。
雖然已經好飽，但係食見到呢碗小女子炒飯，上面有一隻半熟脆邊荷包蛋，都忍唔住要食。
用珍珠米即炒嘅炒飯入邊加咗雪菜同香蔥，幾有驚喜，加埋蛋黃嘅汁真係冇得彈。
壓軸仲有紅豆抹茶小丸子配水果。
十分滿足既一餐!!
呢餐食得非常之開心，食物質素好好，而且都好享受同廚師一邊傾計一邊食嘢嘅感覺。
張貼
