418
98
45
等級3
91
0
2016-03-19 742 瀏覽
自從無係觀塘返工,已經好少再係戈區到覓食!今日同朋友去行Outlet,見到駱駝漆有個新廣告係介紹間Cafe,睇相都唔錯,所以就諗住上坐下食個tea。上到去一出𨋢,就已見到餐廳招牌,下面仲鋪左草。門口亦都有4-5個人排緊隊,我地唯有等一等。大約15分鐘就有位喇!原來入面非常大 係入少少仲有一個area用透明玻璃隔住,而格離都仲有一個房,我隱若見到入面有一班係開緊party!呢到環境好有田園feel,天花版佈滿綠色嘅樹葉,仲吊住一個個燈泡仔,配合埋木製成嘅枱櫈,感覺真係有啲似身處係森林野餐咁 一心想食Tea嘅我地見到meun有個英式休閒下午茶(HK$210/2ppl),當然急不及待咁order 但其實係因為個 Tea Set用鳥籠裝住,極為吸睛 呢個Tea Set一共分為三層,先由最底戈一層食起。下層:和風鮮蝦沙律,忌廉香草田螺酥盒沙律用玻璃杯載住,有鮮蝦、火龍果、車厘茄同沙津菜。用料雖然簡單,但食材新鮮 而且配上柚子醋,味道酸酸甜甜,非常清新!田螺酥盒夠哂的骰,而且充滿牛油香 不過可能食嘅時間已經變冷,所以酥盒唔太脆口。而整體味道都唔錯,有香氣撲鼻,因為盒內有洋蔥粒同
更多
自從無係觀塘返工,已經好少再係戈區到覓食!今日同朋友去行Outlet,見到駱駝漆有個新廣告係介紹間Cafe,睇相都唔錯,所以就諗住上坐下食個tea。

上到去一出𨋢,就已見到餐廳招牌,下面仲鋪左草。門口亦都有4-5個人排緊隊,我地唯有等一等。
12 瀏覽
0 讚好
0 留言
大約15分鐘就有位喇!原來入面非常大
係入少少仲有一個area用透明玻璃隔住,而格離都仲有一個房,我隱若見到入面有一班係開緊party!

呢到環境好有田園feel,天花版佈滿綠色嘅樹葉,仲吊住一個個燈泡仔,配合埋木製成嘅枱櫈,感覺真係有啲似身處係森林野餐咁
56 瀏覽
0 讚好
0 留言
一心想食Tea嘅我地見到meun有個英式休閒下午茶(HK$210/2ppl)當然急不及待咁order
但其實係因為個 Tea Set用鳥籠裝住,極為吸睛

英式休閒下午茶
$210
41 瀏覽
0 讚好
0 留言
呢個Tea Set一共分為三層,先由最底戈一層食起。

下層:和風鮮蝦沙律,忌廉香草田螺酥盒
沙律用玻璃杯載住,有鮮蝦、火龍果、車厘茄同沙津菜。用料雖然簡單,但食材新鮮
而且配上柚子醋,味道酸酸甜甜,非常清新!

田螺酥盒夠哂的骰,而且充滿牛油香
不過可能食嘅時間已經變冷,所以酥盒唔太脆口。而整體味道都唔錯,有香氣撲鼻,因為盒內有洋蔥粒同菇菌粒調味!而主角田螺亦帶有少少爽口,若果可以整熱返少少,相信味道會更可口
英式休閒下午茶
35 瀏覽
1 讚好
0 留言
中層:荷蘭忌廉卷、煙三文魚香草多士及扒芝士火腿三文治
中層以麵包、蛋糕為主,我最為喜歡係荷蘭忌廉卷,海綿蛋糕軟綿綿,而且忌廉打得軟滑
煙三文魚香草多士以香草醬調味,三文魚帶有微微煙燻香,可惜三文魚沾濕左多士,令其唔夠香脆
 無諗睇落簡單嘅扒芝士火腿三文治竟然可以帶黎驚喜,三文治邊烤到微脆,而且入面嘅芝士亦都流心!
英式休閒下午茶
17 瀏覽
0 讚好
0 留言
頂層:北海道3.6牛乳布甸及檸檬芝士餅
黎到最後一層,一共有兩款甜品,有北海道3.6牛乳布甸檸檬芝士餅。不過睇返Meun,明明應該係南瓜芝士餅,但最後竟然轉左味
問返店員自知,原來係會因應供應數量而改變。布甸滑滑,好濃郁奶味但唔甜膩!而檸檬cheese cake餅底夠薄,味道帶有清新嘅檸檬香

英式休閒下午茶
20 瀏覽
0 讚好
0 留言

食完呢個Tea Set,當然唔夠喉,所以仲order多左個水牛城雞中翼。雞翼尚算肥美,肉質juicy,外皮亦煎過,帶有少少香脆。而個醬汁酸酸辣辣,非常惹味
水牛城雞中翼
6 瀏覽
0 讚好
0 留言

黎得食Tea,點可以唔叫返個茶飲下呢!民到有好多款花茶,而我就揀左洛神花茶,因為佢可以減壓,仲有美容瘦身嘅功效
 味道有少少酸,正好用黎解下膩
當然呢個茶都好夠份量,2個人Share絕對唔成問題!不過我最中意都係個茶壺,成個都係透明,可以睇到入面

洛神花茶
10 瀏覽
0 讚好
0 留言
好耐都無試過去一啲感覺好relax嘅cafe喇!無諗過呢間I's Land Cafe竟然會有世外桃源嘅感覺!答呢到休息一下,的確會為人叉左唔少電
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$170 (下午茶)
推介美食
英式休閒下午茶
$ 210
英式休閒下午茶
英式休閒下午茶
洛神花茶