美心MX (已結業) 查看

好趕情況之下去左呢間好耐之前食過n次嘅快餐店食早餐，其實真係已經好耐冇去，因為印象中啲嘢唔係咁好食，不過趕時間之下冇得揀，入去之後買左個鷄扒煎蛋餐，鷄扒唔夠熱，鷄肉亦比較實，加上佢地係用黒漆漆嘅碟，視覺上都失埋分，因為我個人認為早晨如果見啲光猛啲有色彩啲嘅嘢可以提升精神，而家連早餐時間都望住隻黑漆漆嘅碟，好似好沉重咁，no good，煎雙蛋不過不失，件厚多士普普通通，杯熱咖啡亦冇乜特別，成個早餐$32。