美心MX (已結業)

好趕情況之下去左呢間好耐之前食過n次嘅快餐店食早餐，其實真係已經好耐冇去，因為印象中啲嘢唔係咁好食，不過趕時間之下冇得揀，入去之後買左個鷄扒煎蛋餐，鷄扒唔夠熱，鷄肉亦比較實，加上佢地係用黒漆漆嘅碟，視覺上都失埋分，因為我個人認為早晨如果見啲光猛啲有色彩啲嘅嘢可以提升精神，而家連早餐時間都望住隻黑漆漆嘅碟，好似好沉重咁，no good，煎雙蛋不過不失，件厚多士普普通通，杯熱咖啡亦冇乜特別，成個早餐$32。

我是茶餐廳及連鎖快餐店的常客！大家樂的咖啡奶茶最香醇濃厚奶滑，焗豬和炸髀最好味；大快活的雞翼加入蒜香最入味惹味，至於美心呢......夾硬要講的話，就係佢個天使雞扒飯啦！所謂的 "天使" 係指白汁！("魔鬼" 則是黑椒汁) 今時今日三十蚊樓下一個飯，佢算抵食夾大件了。最讚就係佢個白汁濃厚夠味，唔係稀淋淋那種。雞扒成個飯盒咁大塊，肉質都算鮮嫩；配菜有西蘭花椰菜花雜菇翠肉瓜。

好勞氣！Blue Tuesday！又瞓唔到，眼光光又到翌日早上 11 點幾......見 OFFICE 未放 LUNCH，思前想後之下就決定落樓下食野！行了幾條街又來回折返，礙於種種原因，終於敲定在美心買，外賣一個上海酸辣雲吞湯麵餐 ($40)。回家打開，只有一粒雲吞 (一蚊銀咁大粒而已)？？？個 ”酸辣湯” 既冇酸辣味、個獻一PAT PAT，味道比碗仔翅更差！(或者根本佢就係杰獻版碗仔翅)。用匙羹 ”畢” 落去 (要用力去插隻匙羹入去 ”畢”)，D麵一舊舊的......我絕對明白 D 麵會索水，咁你地可唔可以湯與麵另上呢？至於個小食…菜甫唔似菜甫，D 肉味道古怪，唔知係咩肉……花生？我決定放棄......浪費了 $40，成碗野就係咁，仲要得一粒冇乜餡嘅 “小” 雲吞咁大把 (餐牌上嘅相有幾粒雲吞架喎！商品說明條例......)。

復活節假期第一日就返公司做嘢，因為呢排實在太忙。做嘢做到兩點幾，有啲肚餓，但又想快啲做完公司野，於是決定去美心因為已經下午茶時段，望到個餐牌決定點了迷你叉燒飯配魚肉燒賣。叉燒飯食落幾好味喎其實份量都唔算好迷你。魚肉燒賣都唔錯總結: ＄30就可以有叉燒飯魚肉燒賣同杯嘢飲，真係好抵食

之前聽同事講美心有個餐好抵食，廿八蚊又蛋又薯餅又有螺絲粉食，佢講果時我已經心郁郁想試架喇，今日有機會試，咁就一於去試下睇下係咪真係咁抵食先！其實我係麻麻地中意食美心，有得揀ge話我寧願食happy together，因為美心除左糯米雞之外，其他餐ge味道我都覺得麻麻地，但同事推介話呢個係高質餐，咁就試下啦。買完返尼見到個餐，真係幾大份幾抵食，塊薯餅ge size都5細。但5知係咪我有少少病病地，我覺得個龍蝦湯螺絲粉個味5係好夠濃，同埋d螺絲粉好似煮得耐過頭，有d淋。再食個薯餅，ok夠脆ge 但可能食慣左mc當勞果d薯餅，硬係覺得呢個差左dd咁

又係一支公出門搵食，行黎行去都唔知食咩好，最後都係上左去美心，呢度都就黎變成我既飯堂。今日見到餐牌有個紅酒燴牛肉，張相睇落好似唔差，所以見左黎試下，估唔到實物同張相都唔相差太遠。個人非常喜歡個牛肉煮到好入味，鹹之中帶有甜味，加上煮到非常非常非常軟身，入口即化開，完全無諗過美心都做得幾好。個飯仲跟好多菜，菜同肉比例差不多1:1，雖然只係白烚菜，但點埋個紅酒汁就剛剛好，入口清新，唔肥又健康。依家美心有主動收盤計劃，只要食完野自己收個盤去回收站，就有一粒糖！

美心快餐各區分店每天傍晚就會開賣五十多元的一隻雞,今期叫"天香雞",HKD$59隻。因為平同限量關係,好多人在開賣前已經排定隊,所以建議想食的朋友最好早10分鐘去排隊。隻雞都好大隻下,加餸斬料細食3～4個人可以,大食2個人一定無問題。我果人賣過隻雞皮都幾薄,不過可能隻隻幾都不同,同埋批次。食落肉質都好滑下,味道亦十分不錯,好過不少出去食或燒臘店的嚡烚烚或好大雪味果D。$59一大隻雞,在現在百物騰貴的時候,去茶餐廳食個飯都不至這個價錢。雖然不是新鮮走地雞,不過肉質味道都不錯可以接受,攞來加餸斬料係不錯的選擇。

晚間去咗美心食鹽香雞鴨飯加熱鮮檸檬薑蜜。天口冷飲熱鮮檸檬薑蜜，最易入口。杯檸檬薑蜜温中帶甜。飲落口好暖身。鹽香雞鴨飯餸同飯比例恰恰好。個白切雞好易入口。食得出屬上等食材。好鮮嫩。個鴨都好正，但係有點過鹹。要食多幾口飯先可以減去過多鹹味。總價$45。

我係揸車搵食既 送貨送到邊 就食到邊我唔係大食家大博客 錢又唔係多 當然無試食 又冇乜豪華既野食平凡人就食平凡野 我唔會花血汗$扮中產食快餐店一樣好多野可以寫既送完貨之後 我好high咁自己去食tea！公司三文治&薯條 配奶茶麵包係烘底 好脆身 牛油味好香 餡料有雞肉 火腿 番茄 生菜一啖咬下去係好好味 味道鹹鹹甜甜 沙律醬酸酸地甜甜地 唔太多又唔太少薯條又粗又長又大又熱又脆口奶茶係香滑又夠茶味 仲比好多大餐廳好飲你地班食博大佬又知唔知呢個先係平凡打工仔既Tea！

有時想「食個快飯」，幫襯大集團的連鎖式餐廳絕對合情合理。因此，這天去了美心買飯盒。從未嚐過美心的咖喱，之前聽聞同事提過有款「咖喱豬軟骨飯」很好吃，便打算買一盒試試。* * * * * * * * * * * * * * * * * * * * * * * * * * * * * * * * * * * * * * * * * * * * * *本以為又可以「試到新嘢」，豈料打開一看，Oh....明明點了豬軟骨卻給錯了的咖喱雞飯 - $34 (心之音：這是雞不是豬軟骨...這是雞不是豬軟骨...這是雞不是豬軟骨...這是雞不是豬軟骨...這是雞不是豬軟骨 x N次....)外賣出錯，也是人之常情吧~~~(嘆氣)既來之，便食之。雞件大多是腿肉，有4-5件，份量總算不太少，質地普通；薯仔也不似某家的出品那樣佔了整個外賣碗起碼三份之一的空間，未致於去到「All-薯薯」的地步。咖喱汁的味道頗濃，比起一般茶記已經好好多了...* * * * * * * * * * * * * * * * * * * * * * * * * * * * * * * * * * * * * * * * * * * *

週六罕有地在鰂魚涌美心MX吃早餐，點了一份羅宋湯通粉、多士火腿炒蛋早餐。羅宋湯通粉細碗了少許，味道亦淡了一點。多士烘得色水吸引，但因閒置了一會，脆熱感已失。火腿無特別。炒蛋雖少了一點，但算炒得幾滑。連水準OK的熱奶茶一杯要$26，只可叫合理。美心應可再做好一點。

無錯，又係美心，我唔係特別喜歡食，但無辦法，鬼叫自己貪方便今日既然在附近上堂，午膳時間又多人，無心水下唯有㨂呢間點左個藜麥雞扒飯，再加個例湯，六蚊先評個飯，炒飯底，有蛋同火腿，味道可以的，但汁少左d，食左一半已經無汁個雞扒賣相唔錯，份量OK，但味道完全唔得又乾又韌，毫無肉汁同肉味，難食個湯不過係普通細碗例湯，完全唔值六蚊！

是日冬至，公司下午放假，我逛了一會街就去吃下午茶，因為已經快三點了，家裏冬至也會吃飯，因此我想吃些輕盈的東西，就點了蝦多士咖喱魚蛋蘿蔔豬皮配熱奶茶。　　芝麻蝦多士不錯，多士上的確有芝麻，而且真的有蝦，還冒著煙的脆熱呢。可吃完了之後滿口都是油啊，可想而知，炸的時候放了很多油。　　至於咖喱三寶就不過不失，咖喱汁是一大碗，可是其實已放涼了，豬皮夠爽，但魚蛋卻不是太有咖喱味，蘿蔔則夠軟稔。　　奶茶只是微溫，不夠熱了。

今次同個同事蛇出去下午茶我叫咗個油雞脾餐跟凍檸檬茶同事就叫咗個雞䭔鸟冬便當講番自己食物油雞脾好香鹵水味道雞脾吾算大亦吾會細喎好滑，好有咬口我囉咗同事的便當薯條食保持好熱但吾脆亦吾香口咬入口好似食緊薯蓉咁不過同事話其他野食不過不失因為28元一個套餐包飲品便當食物有多款式，仲想點我地兩個人消費都係五十六元如果去翠華或者太興差不多貴成半啦呢度真的是一個平消費的好去處

好一段日子沒有在午飯時間光顧快餐連鎖店，今天一來才知道原來大部分的食物都不連餐飲，食客可選擇加錢買喝的或者是喝白開水(後來得知原來茶也是免費的)。 本來打算喝杯水就算，卻發現原來有粟米汁供應。 記得第一次喝粟米汁是在廣州，粟米味非常濃郁，而且很滑很creamy，那種甜味全來自粟米，非常健康有益。 可惜香港有售粟米汁的地方不多，難得一見到心頭好當然不能錯過。粟米汁用胖胖的璃璃杯盛著，不會太熱，喝下去是剛好暖暖的，腸胃馬上就感受到一股暖意。 粟米汁很鮮甜，也很濃郁，但卻磨得不夠細滑，每一口都充斥著大量粟米衣，比較像在喝湯。 好處就是能吸取纖維，不過口感卻實在有點奇怪，還是那是在廣州喝的比較好呢。